Marcos 10:48 - Emberá Chamí

⁴⁸ Maud̶e ãreaba ichi chũpeamera iadaasid̶au maamina ichiba waya aude b̶iasii: —¡Jesús, Davidd̶ebena need̶a, mʉ kĩra chuburiáse!

Marcos 10:48 Referans Kwoze

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

Lucas 18:39

Chi Jesús naa wãaduurãba iadaasid̶au chũpeamera. Maamina jĩwa b̶iasii: —¡Davidd̶ebena need̶a, mʉ kĩra chuburiáse!

Marcos 5:35

Jesús wabid̶a berreamaa b̶uud̶e, Jairo ded̶ebena ẽbẽrarã need̶aped̶a maabae Jairomaa jarasid̶au: —Bichi kau biusii. ¿Sakãe chi Jaradeabarii ome wabid̶a berrea b̶uma?

Mateo 20:31

Maabae ẽbẽrarãba ãchi iadaasid̶au chũpead̶amera, maamina maarã aude b̶iasid̶au: —¡Dai Akõre Mechiu, Davidd̶ebena need̶a, dai kĩra chuburiáse!

Mateo 19:13

Maabae ẽbẽrarãba warrarã Jesusmaa adoesid̶au ichi jua maarã ʉ̃rʉ kub̶uped̶a Dachi Akõremaa ʉtaa id̶imera. Maamina Jesús baara nibabadaurãba chi mau warrarã adoeped̶aad̶arã iadaasid̶au.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Mateo 9:27

Jesús mamabena wãsiid̶e dau pãriu nid̶au ome ichi kaad̶e b̶ia neesid̶au. Mau ẽbẽrarãba b̶ia kopanuuba jarasid̶au: —¡Jesús, Davidd̶ebena need̶a, dai kĩra chuburiáse!

Marcos 10:13

Maud̶e ẽbẽrarãba warrarã Jesusmaa adoesid̶au ichi jua maarã ʉ̃rʉ kub̶uped̶a biꞌia jaramera. Maamina Jesús baara nibabadaurãba chi mau warrarã adoeped̶aad̶arã iadaasid̶au.