Marcos 10:21 - Emberá Chamí

²¹ Maud̶e Jesusba ẽbẽra kʉ̃riad̶eeba ichiaped̶a jarasii: —Wabid̶a bichiba ne ab̶a waui b̶uu. Bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Marcos 10:21 Referans Kwoze

Apocalipsis 2:4

Maamina mʉʉba nau miadaa unu b̶uu: chi kʉ̃ria machiba naed̶e uru panad̶a id̶i jãabae ãrea uru panuuwãe.

Lucas 10:42

Maamina ¿Dachi Akõre bed̶ea ũrii bia b̶uuwãeka? Mau Mariaba wau b̶uu. Ab̶au bid̶a mau wau b̶uu waurã́ba ad̶aabai.

Santiago 2:10

Ab̶auba Moisesba b̶ʉd̶ad̶ebena ab̶a bid̶a wauwẽebʉrã, mau joma wauwẽa b̶uud̶eeba nebʉra bara b̶uai.

Lucas 18:22

Mau ũriped̶a Jesusba ichimaa jarasii: —Wabid̶a bichiba ne kaebea ab̶a waui b̶uu: bichiba ne uru b̶uu joma nedobʉiped̶a chi nejarr barauwãe nureemaa dease. Maka bajãad̶e ne bia uru b̶uai. Maabae mʉ baara nibad̶e neese.

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Lucas 12:33

Maud̶eeba machiba uru panuud̶ebena nedobʉid̶aped̶a chi nejarr barauwãe nureerãmaa deásturu. Ne bia bajãad̶e uru panad̶ai baita jʉrʉ́sturu. Chi ne bajãad̶ebena wãꞌãekau. Ara simiaba sĩkau maud̶e nechirurã bid̶a poyaa chiruad̶akau.

Marcos 8:34

Jesusba ichi baara nibabadaurã maud̶e waabenarã iukuaped̶a jarasii: «Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Lucas 9:23

Jesusba jomaurãmaa jarasii: —Ab̶a mʉ baara nibai kʉ̃ria b̶uubʉrã, chi mauba wau kʉ̃ria b̶uu, ida b̶ui b̶uu, maud̶e ewaricha ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 19:21

Maud̶e Jesusba ichimaa jarasii: —Bichi biawãra jipa b̶uai kʉ̃ria b̶uubʉrã, bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Lucas 16:9

Ara mau kĩra mʉʉba machimaa jaraaruu: nau iujãad̶ebena chi nejarraba ẽbẽrarã ãrea aid̶ásturu. Maka machi kõpaerorã ãrea uru panad̶ai. Maabae machi biuduud̶e bajãad̶e biꞌia irsibid̶ai.

2 Timoteo 3:12

Biawãra joma Jesucristod̶e ijãabadaurã, Dachi Akõre daad̶e biꞌia nibad̶ai kʉ̃riabadaurã, ẽbẽrarãba wãraad̶ai kachirua waud̶ai baita.

Marcos 10:22

Chi ẽbẽraba mau ũriped̶a miamaasii maud̶e kĩra nomaa wãsii ãrea chi nejarra barau niid̶eeba.