Marcos 10:17 - Emberá Chamí

¹⁷ Maad̶akare Jesús wãaruud̶e ẽbẽra ichimaa pira neesii. Mau ẽbẽra Jesús daad̶e õdarrd̶e kob̶eeped̶a id̶isii: —Jaradeabarii bia nii, Dachi Akõre ome ewaricha chokae b̶uai baita ¿mʉʉba kãare waui b̶uma?

Marcos 10:17 Referans Kwoze

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Lucas 10:25

Earab̶a Jesús biawãra ne kuitaa b̶uu kuitaai baita Moisesba b̶ʉd̶a jaradeabarii jiraduped̶a naka id̶isii: —Jaradeabarii, ¿mʉʉba kãare waui b̶uma Dachi Akõre ome ewaricha chokae b̶uai baita?

Hechos 16:30

Maabae ãchi awara adoeped̶a id̶isii: —Mʉʉba ¿kãare sãaima Dachi Akõreba mʉ karibamera?

Hechos 2:37

Mau ũrisid̶aud̶e joma ãchi sõd̶e ãrea kʉ̃risia baraa duaneesid̶au. Maud̶eeba ãchiba Pedromaa maud̶e chi waabenarã Jesusba bʉid̶arãmaa id̶isid̶au: —Ãbarã, ¿kãare waud̶ai panuma?

Hechos 20:32

»Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

Hechos 9:6

Jiraduped̶a Damasco puurud̶aa wãse. Jamaria ab̶auba jarai bichiba kãare waui b̶uu.

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 17:14

Ãchi ead̶ebena ed̶aa neesid̶aud̶e ẽbẽrarã ãrea ãbua duanasid̶au. Maud̶e ẽbẽra Jesusmaa neesii. Mau ẽbẽra Jesús daad̶e õdarrd̶e kob̶eeped̶a jarasii:

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Juan 5:39

Machiba Dachi Akõre bed̶ea kauwa ichiabadau kʉ̃risia panuud̶eeba Dachi Akõre ome ewaricha chokae nuread̶ai. ¡Mau kartad̶e mʉ ʉ̃rʉbena berrea b̶uu!

Juan 3:2

Mau Nicodemo ẽsabud̶aa Jesusmaa wãsii. Maabae Jesusmaa jarasii: —Jaradeabarii, daiba kuitaa panuu bichi Dachi Akõreba bʉid̶a. Dachi Akõre bichi baara b̶uad̶awãe basirã chi ẽbẽrarãba ne poyaa waud̶akau poyaa waubai basii.

Marcos 12:14

Need̶aped̶a jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii. Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Marcos 9:25

Jesusba ẽbẽrarã araa pĩchuka imiiduu unusiid̶eeba chi jai kachirua naka iadaasii: —Jauri kachirua kʉʉrʉ kiapebibarii maud̶e bosara babibarii, mʉʉba bichimaa jaraaruu: nau warr kakuad̶ebena awara wãse. Waya ichi kakuad̶e ed̶a wãrã́se.

Marcos 1:40

Maka b̶uud̶e ẽbẽra kakua chau nii Jesusmaa neesii. Mau ẽbẽra õdarrd̶e kob̶eeped̶a naka chi chuburia id̶isii: —Bichiba kʉ̃ria b̶uubʉrã, mʉ poyaa aribiabii.

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Marcos 10:18

Jesusba panausii: —¿Sakãe mʉʉmaa biꞌia nii a b̶uma? Mae, ab̶a bid̶a chi bia nii wãꞌãe, ab̶aburu Dachi Akõréturu chi bia nii.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Tito 3:7

Maka Dachi Akõreba ichi sõbiad̶eeba dachi jipa unu b̶uud̶eeba ewaricha ichi ome chokae panad̶ai. Mau esed̶au panuu.

Hebreos 1:14

Makarã, ¿Angelerã kairãma? Maarã joma Dachi Akõre baita nureed̶eeba, ãchi bʉikabarii chi ichiba karibai b̶uurã aid̶ad̶amera.

1 Pedro 1:4

ichiba dachi baita bajãad̶e nu uru b̶uu joma adaud̶amera. Mau ãrikau, wãꞌãekau maud̶e kachiruaswãe b̶uu.