Marcos 10:14 - Emberá Chamí

¹⁴ Ãchiba makaped̶aad̶a Jesusba unusiid̶e, kĩruped̶a naka jarasii: —Warrarã mʉʉmaa ida neebísturu, Dachi Akõreba ichid̶irã ichi juad̶e ua b̶uud̶erã naarã kĩra nureed̶eeba.

Marcos 10:14 Referans Kwoze

Mateo 19:14

Maud̶eeba Jesusba jarasii: —Warrarã mʉʉmaa ida neebísturu, Bajãad̶e B̶uuba ichid̶irã ichi juad̶e ua b̶uud̶erã naarã kĩra nureed̶eeba.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Mateo 18:4

Maamina ab̶a nau warr kĩra waabenarã audeara kaebeu b̶eeruubʉrã, Bajãad̶e B̶uuba ichid̶irã ichi juad̶e ua b̶uud̶ebenarã chi mechiu b̶uai.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

2 Timoteo 3:15

Warraed̶e Dachi Akõre Bed̶ea kuitaasii. Mau Bed̶eaba bichimaa kuitaabi b̶uu ab̶auba Cristod̶e ijãaruubʉrã Dachi Akõreba mau karibai.

Apocalipsis 14:5

Maarãba b̶es ab̶a bid̶a setaa jarad̶akau. Bari kachiruaswãe nuree.

2 Timoteo 1:5

Mʉʉba kĩraba b̶uabarii bichiba Cristod̶e biawãra ijãa b̶uu bichi tata Loida maud̶e bichi nawe Eunice bichi naed̶e ijãa panad̶a kĩra. Mʉʉba kuitaa b̶uu bichia bid̶a arab̶aud̶e Cristod̶e ijãa b̶uu.

Efesios 4:26

Kĩruuduubʉrã kachirua waurã́sturu. Machi kĩru panuumisa, ewari araa b̶aebirã́sturu.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

1 Corintios 7:14

Mau Jesusd̶e ijãawẽa b̶uu mukĩra Dachi Akõre baita b̶eesii ichi wẽraba ijãa b̶uud̶eeba. Ara mau kĩra chi Jesusd̶e ijãawẽa b̶uu wẽra Dachi Akõre baita b̶eesii ichi kimaba ijãa b̶uud̶eeba. Makawãe basirã machi warrarã Dachi Akõre baita nuread̶aabai basii. Akõrerã Dachi Akõre baita panuud̶eeba ãchi sid̶a Dachi Akõre baita panuu.

Romanos 11:28

Judiorãba chi bed̶ea bia Jesús ʉ̃rʉbena ida b̶u panuud̶eeba Dachi Akõre ome chi kĩramaabʉ. Maud̶eeba machi judiowãerã ẽbẽrarã Dachi Akõred̶erã poyaa nuread̶ai. Maamina Dachi Akõreba ãchi nabẽraed̶ebenarã jʉrʉ adausiid̶eeba wabid̶a kʉ̃ria b̶uu.

Romanos 11:16

Trigo naa ea junaaduud̶e pan waud̶aped̶a mau pand̶ebena Dachi Akõremaa ab̶a deaduubʉrã, waabena pan sid̶a Dachi Akõred̶ebʉ. Maud̶e bakuru karr biꞌia b̶uubʉrã, chi bakuru jua sid̶a biꞌia nuree.

Hechos 3:25

Chi ãchiba berreaped̶aad̶a id̶i biawãra unu panuu. »Mau awara Dachi Akõreba machi nabẽraed̶ebenarãba ome bed̶ea deasii. Ichiba Abrahammaa naka jarasii: “Mʉʉba chi bichid̶ebena neeruud̶eeba nau iujãad̶ebena ded̶ebenarã joma biꞌia duanubiai”. Mau bed̶ea dead̶a machiba id̶ibae uru panuu.

Hechos 2:39

Dachi Akõre chi Mechiuba ichi Jauri deai jarad̶a machi baita b̶uu, machi warrarã baita b̶uu maud̶e ẽbẽrarã kaitawẽ nureerã baita b̶uu. Joma chi Dachi Akõre Mechiuba iukua b̶uu ẽbẽrarã baita b̶uu.

Marcos 8:33

Maamina Jesús ad̶u purrab̶ariped̶a, chi ichi baara nibabadaurãmaa ichiaruud̶e Pedromaa jarasii: «¡Satanás, mʉ jãkaabena ãyaa wãse! Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu».

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Mateo 5:3

«Biꞌia panuu machi chi miichuburi nuree unubadau, Bajãad̶e B̶uuba machi ichi juad̶e ua b̶uud̶eeba.

Mateo 5:10

Biꞌia panuu chi jipa nuree kakua waabenarãba biꞌiwãe paneebiabadau, Bajãad̶e B̶uuba ichid̶irã ichi juad̶e ua b̶uud̶eeba.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.