Marcos 1:32 - Emberá Chamí

³² Kiusiid̶e ẽbẽrarãba barikiu ẽpermo nuree maud̶e jai kachirua uru nuree Jesusmaa adoesid̶au.

Marcos 1:32 Referans Kwoze

Mateo 8:16

Kiusiid̶e ẽbẽrarãba, ãrea ẽpermo nuree Jesusmaa eneesid̶au. Maud̶e Jesusba jaraaruuba chi jai kachiruarã joma duabʉikasii maud̶e ẽpermo nuree joma aribiabiasii.

Lucas 4:40

Kiuruud̶e ãrea barikiu ẽpermo nuree Jesusmaa adoesid̶au. Jesusba ichi jua maarã ʉ̃rʉ kub̶uped̶a aribiabiasii.

Marcos 3:2

Chi nuree waabenarãba Jesús ichia panasid̶au bari panabadau ewarid̶e mau ẽbẽra aribiabii kuitaa. Aribiabid̶a basirã kachirua jarad̶ai kʉ̃risia panasid̶au.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Marcos 1:21

Maarã Capernaum puurud̶aa wãsid̶au. Maabae bari panabadau ewari bakare Jesús judiorã araa ãbua imibadau deed̶aa wãped̶a Dachi Akõre bed̶ea jaradea b̶eesii.

Mateo 8:17

Makasii Dachi Akõre baita berreabarii Isaiasba jarad̶a kĩra. Naka jarasii: «Dachi chi pira b̶uad̶a wãꞌãebisii maud̶e dachi ẽpermo panad̶a aribiabiasii».

Marcos 1:31

Mau b̶uumaa wãped̶a, juad̶e jidauped̶a jiradubisii. Ara makʉd̶e chi kʉamia duusii. Maabae Simón pakõreba ãchimaa kobiasii.

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.