Marcos 1:27 - Emberá Chamí

²⁷ Maud̶eeba jomaurãba kuitaa kʉ̃risiad̶aabasii. Ãchiba chiya id̶i kopaneesid̶au: «¿Nau kãarema? Jesusba jaradea b̶uu chi wid̶ibʉ, ãrea kuitaa arakʉd̶e jaradeabariid̶eeba. Chi jai kachiruarã bid̶a ichiba jaraaruu ũri panuu».

Marcos 1:27 Referans Kwoze

Lucas 9:1

Jesusba ichi baara nibabadaurã 12 duanuu araa ãbua iukuaped̶a poyaabarii deasii maud̶e jai kachiruarã ãchi juad̶e b̶usii, duabʉikad̶amera maud̶e ẽpermo nuree aribiabiad̶amera.

Marcos 7:37

Chi ũriped̶aad̶arã pera bara b̶eesii maabae chiya berrea bara b̶eesii: «Biawãra b̶uu Jesusba joma biꞌia waubarii. ¡Kʉʉrʉ kiape b̶ee ũribiabarii maud̶e bosara nuree berreabiabarii!»

Mateo 15:31

Ẽbẽra aria panuurãba unusid̶au chi bosara nuread̶a berreaduu, chi jua morraa nuread̶a aribiaduu, jʉ̃rʉ nʉka nuread̶a biꞌia nibad̶eaduu maud̶e dau pãriu nuread̶a unu panuu. Jomaurãba kãare kʉ̃risiad̶ai adua panasid̶aud̶eeba israeld̶ebenarã Akõremaa biꞌia berreasid̶au.

Mateo 9:33

Jesusba mau jai kachirua duabʉisiid̶e chi bosara nibad̶a berrea kob̶eesii. Mau unusid̶aud̶e, chi aria panad̶aba kãare kʉ̃risiad̶ai adua basiid̶eeba jarasid̶au: —¡Israeld̶e wabid̶a nau unud̶akau!

Lucas 4:36

Mau unusid̶aud̶e jomaurãba kãare kʉ̃risiad̶ai adua basii. Ãchiba chiya id̶i kopaneesid̶au: «Ichi bed̶eaba ¿saka jãka wau b̶uma? Ichiba jaraaruu jai kachiruarãba ijãabadau. Ichiba ne joma ichi juad̶e ua b̶uud̶eeba maud̶e poyaad̶eeba berrearuud̶e jai kachiruarã wãuribadau».

Marcos 10:32

Jerusalend̶aa wãsid̶aud̶e Jesús ãchi naa wãsii. Aria wãaduu nid̶aud̶e chi ichi baara nibabadaurãba kuitaa kʉ̃risiad̶aabasii. Joma chi ichi baara wãaduurã sid̶a wapea panasid̶au. Maka panuud̶e Jesusba waya ichiba jʉrʉ adaud̶a 12 panuu ãyaa adoesii. Maabae ichi sakad̶ai ʉ̃rʉbena jarasii:

Marcos 10:24

Ichi baara nibabadaurãba kuitaa kʉ̃risiad̶aabasii. Maud̶eeba Jesusba waya jarasii: —Warrarã, biawãra ãrea chaarea b̶uu ẽbẽra chi nejarra barau nii Dachi Akõre juad̶e b̶uai baita, ichid̶irã baara.

Mateo 8:9

Ara mau kĩra mʉ jaradea b̶uabariiba jara b̶uu mʉʉba ijãai b̶uu. Maud̶e mʉʉba jara b̶uu kokoroarã mʉ juad̶e nureerãba ijãad̶ai panuu; mʉʉba ab̶aumaa nébad̶e aaruud̶e neebarii; wã́bad̶e aaruud̶e, wãbarii; maud̶e mʉ baita bari trajabariimaa naka wáubad̶e aaruud̶e arab̶aud̶e ichiba waubarii.

Marcos 1:26

Ara makʉd̶e chi jai kachiruaba chi mukĩra wawabiped̶a, ãrea b̶iaped̶a awara wãsii.

Marcos 1:28

Maud̶eeba joma Galilea druad̶e kãꞌãabariwãed̶e Jesús trʉ̃ poa kob̶eesii.

Marcos 16:5

Ara makʉd̶e chob̶ead̶e ed̶a wãaduud̶e kũudrãa ãchi jua biare akʉ b̶uu unusid̶au. Mauba paru torroa jʉ̃ nibasii. Mau kakua wẽrarã perasid̶au.

Marcos 16:6

Mau kũudrãaba ãchimaa jarasii: —Perarã́sturu. Machiba Jesús Nazaretd̶ebena cruzd̶e jirab̶uped̶aad̶a jʉrʉ panuu. Mau chokae jiradusii. Chi jau b̶uped̶aad̶amaa ichiásturu. Nama b̶uuwãe.

Hechos 17:19

Maabae Pablo chi ãchi araa ãbua imibadaumaa adoesid̶au. Mama chi «Areópago» abachid̶au. Naka jarasid̶au: —Bichiba jaradea b̶uu daimaarã kʉ̃risia wid̶ibʉ. Mau daiba wabid̶a ũrid̶akau. Maud̶eeba kuitaa kʉ̃ria panuu kãare jara b̶uu. ¿Bichiba daimaa jaradeawẽka?