Lucas 9:8 - Emberá Chamí

⁸ Maud̶e waabenarãba jara panasid̶au: —Elías waya dachi baara b̶uad̶e neesii. Chi nureeba jara panasid̶au: —Nabẽraed̶ebena Dachi Akõre baita berreabarii b̶uad̶a chokae jiradusii.

Lucas 9:8 Referans Kwoze

Juan 1:21

Ãchiba waya id̶isid̶au: —¿Makarã bichi kaima? ¿Bichi Eliaska? Ichiba panausii: —Mʉ Eliaswãema. Ãchiba waya id̶isid̶au: —Bichi ¿Dachi Akõre baita berreabarii chi mechiu neei b̶uad̶aka? Ichiba panausii: —Mʉ mauwãema.

Lucas 9:19

Ãchiba panausid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi nabẽrarã Dachi Akõre baita berreabarii chokae jiradud̶a.

Marcos 8:28

Ãchiba panausid̶au: —Chi nureeba jara panuu bichi Juan chi Boro Eabarii. Chi nureeba jara panuu bichi Elías. Waabenarãba jara panuu bichi Dachi Akõre baita berreabarii.

Marcos 6:15

Chi nureeba jarasid̶au mau Dachi Akõre baita berreabarii Elías. Waabenarãba jarasid̶au: «Ichi Dachi Akõre baita berreabarii dachi nabẽraed̶ebena ewarid̶e nuread̶a kĩra».

Mateo 17:10

Maud̶e ãchiba Jesusmaa id̶isid̶au: —Makarã Moisesba b̶ʉd̶a jaradeabadaurãba ¿sakãe jarabadama Elías naa neei b̶uu?

Mateo 16:14

Ãchiba jarasid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi Jeremías maebʉrã Dachi Akõre baita berreabarii.