Lucas 9:56 - Emberá Chamí

⁵⁶ Mʉ, chi Ẽbẽra Ba B̶uad̶a ẽbẽrarã kenai baita neewẽa b̶uu, maumaarã nee b̶uu karibai baita».] Maabae junebena puurud̶aa wãsid̶au.

Lucas 9:56 Referans Kwoze

Romanos 12:21

Ab̶auba machi kachirua wauruubʉrã ara mau kĩra waurã́sturu. Maumaarã biꞌia wáusturu ichi kĩra nejasiaped̶a ichiba kachirua wau b̶uu ida b̶uamera.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Juan 3:17

Dachi Akõreba ichi Warr nau iujãad̶aa bʉibasii ẽbẽrarã kastikamera maumaarã bʉisii karibakuamera.

Juan 10:10

Nechiruabarii neebarii oeja chiruai baita, beai baita maud̶e baribai baita. Maamina mʉ neesii, ẽbẽrarã ãrea chokae nibad̶amera.

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Juan 12:47

Ab̶aba mʉ bed̶ea ũriped̶a ijãawẽebʉrã, mʉʉba ichi kastikaabai, mʉ nau iujãad̶e nuree kastikai baita neewẽed̶eeba. Mʉ nau iujãad̶e nuree karibai baita neesii.

Lucas 23:34

[Maud̶e Jesusba jarasii: «Chacha, jãarãba wau panuu kʉde b̶eerã́se. Jãarãba adua panuu kãare wau panuu».] Mau awara chi kokoroarã Jesús paru saka dead̶akad̶ai kuitaad̶ai baita jemenesid̶au.

Lucas 22:51

Maud̶eeba Jesusba jarasii: —¡Ida b̶ústuru! ¡Ara basma! Ara makʉd̶e chi ẽbẽra kʉʉrʉ wauped̶a anibisii.

Mateo 5:39

Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Lucas 9:55

Jesusba ãchi ichiaped̶a iadaasii. [Naka jarasii: «Machi ¿sakãe maka berrea panuma?

Lucas 9:57

Od̶e wãaduud̶e ab̶auba Jesusmaa jarasii: —Jaradeabarii, bichi wãaruumaa mʉ bichi ome wãi.

Mateo 18:11

Biawãra mʉ, chi Ẽbẽra Ba B̶uad̶aba chi barikiad̶e panad̶a karibai baita neesii.