Lucas 9:52 - Emberá Chamí

⁵² Wãaruud̶e waabenarã Samaria druad̶aa naa bʉisii. Puuru kaebeud̶e need̶aped̶a sama kãid̶ai jʉrʉsid̶au.

Lucas 9:52 Referans Kwoze

Mateo 10:5

Mau 12 ẽbẽrarã Jesusba bʉikasii. Maamina wãd̶ai naed̶e ichiba jarasii: «Judiowãerãmaa, Samaria druad̶ebena puurud̶aa bid̶a wãrã́sturu.

Lucas 17:16

Jeed̶a õdarrd̶e kob̶eeped̶a Jesusmaa ãrea ichíturu kid̶ibai jarasii ichi anibisiid̶eeba. Mau mukĩra Samariad̶ebena basii.

Lucas 10:33

Mawãare ẽbẽra Samariad̶ebena mau od̶e neesii. Chi ẽbẽra b̶ari b̶uu unusiid̶e kĩra chuburiasii.

Lucas 10:1

Mau maad̶akare Dachi Mechiu Jesusba ichi baara nibabadaurã maucha june 70 jʉrʉ adausii Dachi Akõre bed̶ea jarad̶e wãd̶amera. Ichi naa omeemea bʉikasii puurucha wãd̶amera ichi wãi kʉ̃risia b̶uumaa.

Juan 8:48

Maabae judiorãba Jesusmaa jarasid̶au: —¿Bichi Samariad̶ebenawãeka maud̶e jai kachirua uru b̶uu? ¿Daiba arakʉd̶e jarad̶awẽa panuka?

Lucas 7:27

Ichi ʉ̃rʉbena Dachi Akõre bed̶ead̶e naka b̶ʉ kub̶uu: “Mʉ baita berreabarii bichi naa bʉiruu bichi o jaremera”.

Lucas 17:11

Mau maad̶akare Jesús Galilead̶ebena Jerusalend̶aa wãsii. Wãaruud̶e Samaria druare wãsii.

Juan 4:4

Maamina araa wãi baita Samaria druare wãi b̶uasii.

Juan 4:5

Wãaruud̶e Samariad̶e puuru Sicar abadaumaa neesii. Mau puuru Jacoba ichi warr Josemaa dead̶a drua kaita b̶uu.

Juan 4:9

Maabae chi wẽraba Jesusmaa jarasii: —Mʉ Samariad̶ebena wẽrabʉ. ¿Sakãe bichi judio niiba mʉʉmaa bania id̶i b̶uma? Mau wẽraba maka jarasii judiorãba Samariad̶ebenarã kʉ̃riad̶akaud̶eeba.