Lucas 9:5 - Emberá Chamí

⁵ Maamina puurud̶ebenarãba machi biꞌia irsibid̶awẽebʉrã mamabena wã́sturu. Wãaduud̶e ioro jora machi jʉ̃rʉd̶ebena neapésturu. Mauba kuitaabiai ãchiba Dachi Akõre ida b̶u panuu kakua ichiba kastikai.

Lucas 9:5 Referans Kwoze

Hechos 18:6

Maamina ichiba jara b̶uu ãchiba ida b̶usid̶au. Maud̶e ichi ʉ̃rʉbena kachirua berreabachid̶au. Maud̶eeba Pabloba chi paru jʉ̃ b̶uu neapesii, chi ãchiba wauped̶aad̶a ichiba mau kʉ̃riawẽa b̶uu unubiai baita. Naka jarasii: —Machiba mau bed̶ea ijãad̶awẽebʉrã, mʉ kakuawãe. Chi mʉʉba machi baita waui b̶uad̶a, mau joma wausii. Jãabae nau tõpe mʉ judiowãerãmaa wãi.

Hechos 13:51

Mau Pabloba maud̶e Bernabeba puurud̶ebena ioro jora ãchi jʉ̃rʉd̶ebena neapesid̶au Dachi Akõreba kastikai unubiad̶ai baita. Maabae Iconio puurud̶aa wãsid̶au.

Marcos 6:11

Maamina ẽbẽrarãba machi biꞌia irsibid̶aabʉrã, maud̶e machiba jaradeaduu ũrid̶ai kʉ̃riad̶aabʉrã, arabena wã́sturu. Wãaduud̶e, chi jʉ̃rʉd̶ebena ioro jora neapésturu, Dachi Akõreba mau kʉ̃riawẽa b̶uu unubiad̶ai baita. Mauba kuitaabiai ãchiba Dachi Akõre ida b̶u panuu kakua ichiba kastikai.

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Lucas 9:48

Maud̶e naka jarasii: —Ab̶auba mʉʉd̶e ijãa b̶uud̶eeba nau warr biꞌia irsibiiruubʉrã, mʉ sid̶a biꞌia irsibiiruu. Maud̶e mʉ biꞌia irsibiiruuba chi mʉ bʉid̶a biꞌia irsibiiruu. Machid̶ebena chi kaebeu nii Dachi Akõre daad̶e chi mechiu nii.

Marcos 9:37

—Ab̶auba mʉʉd̶e ijãa b̶uud̶eeba naarã warrarãd̶ebena ab̶a biꞌia irsibiiruubʉrã, mʉ sid̶a biꞌia irsibiiruu. Chi mʉ biꞌia irsibiiruuba ab̶aburu mʉ irsibiiruuwãe, maumaarã chi mʉ bʉid̶a sid̶a biꞌia irsibii.

Lucas 5:14

Maud̶e Jesusba ichimaa jarasii: —Bichi aribiad̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Dachi Akõre daad̶e biꞌia b̶eei baita Moisesba jarad̶a kĩra ne kaebea dease. Maka ẽbẽrarãba kuitaad̶ai bichi chi kakua biawãra anid̶a.

Mateo 10:18

Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai. Maud̶e machiba ãchi daad̶e maud̶e judiowãerã daad̶e mʉ ʉ̃rʉbena berread̶ai.

Lucas 9:4

Wãaduu nid̶aud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.