Lucas 9:3 - Emberá Chamí

³ Wãd̶ai naed̶e Jesusba ãchimaa jarasii: —Machi wãaduud̶e ne ab̶a bid̶a adoerã́sturu. Duma, ũabisa, chiko maud̶e chi nejarra adoerã́sturu. Paru kakuad̶e jʉ̃ panúturu adoésturu.

Lucas 9:3 Referans Kwoze

Lucas 22:35

Maabae Jesusba ãchimaa jarasii: —Mʉʉba machi chi nejarraswãe, ũabisaswãe maud̶e jʉ̃rʉd̶e jʉ̃badauswãe bʉikasiid̶e ¿ne kaebea june kʉ̃ria panaska? Ãchiba panausid̶au: —June ab̶a kʉ̃riad̶aabasii.

2 Timoteo 2:4

Kokoroaba barikia waukau, maumaarã chi audeara niiba kʉ̃ria b̶uu waubarii biꞌia unumera.

Lucas 12:22

Maud̶eeba Jesusba ichi baara nibabadaurãmaa jarasii: «Machi saka panad̶ai kʉ̃risiarã́sturu, kod̶ai ʉ̃rʉbena maud̶e paru jʉ̃d̶ai ʉ̃rʉbena.

Lucas 3:11

Juanba panausii: —Chi paru ome uru b̶uuba chi wãꞌãe niimaa ab̶a deai b̶uu. Chi koi uru b̶uuba chi koi wãꞌãe niimaa deai b̶uu.

Lucas 12:28

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Lucas 5:29

Maabae Jesús baita Leviba ichi ded̶e kod̶ai baita ãrea wausii. Ãrea Romad̶ebena baita chi nejarra pebadaurã maud̶e waabena ẽbẽrarã ãchi baara ko panasid̶au.

Marcos 6:7

Ichiba 12 jʉrʉ adaud̶arã ãbua iukuasii maabae omeemea bʉikasii. Ãchimaa poyaabarii dead̶akasii jai kachiruarã ichi trʉ̃d̶eeba duabʉikad̶amera.

Lucas 9:4

Wãaduu nid̶aud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.