Lucas 9:28 - Emberá Chamí

²⁸ Maka jarasiid̶e 8 ewari bad̶akare Jesús Dachi Akõremaa ʉtaa id̶id̶e wãsii ea ʉtʉ nub̶uud̶aa. Pedro, Juan maud̶e Santiago adoesii.

Lucas 9:28 Referans Kwoze

Lucas 6:12

Earab̶a Jesús ead̶aa wãsii. Aria Dachi Akõremaa ʉtaa id̶i b̶uu ewarisii.

Lucas 9:18

Earab̶a Jesús istu Dachi Akõremaa ʉtaa id̶imaa b̶uasii. Chi ichi baara nibabadaurã aria panuud̶e, Jesusba ãchimaa id̶isii: —Ẽbẽrarãba mʉ ¿kai kʉ̃risia panuma?

Lucas 8:51

Jairo deemaa neeped̶a Jesusba Pedro, Santiago, Juan, chi wẽrakau akõre maud̶e chi nawe deed̶aa adoesii. Waabena ed̶a wãbiabasii.

Marcos 6:46

Joma wãbiaped̶a ead̶aa Dachi Akõremaa ʉtaa id̶id̶e wãsii.

Marcos 1:35

Daped̶eed̶e Jesús jiradusii. Wabid̶a pãriu b̶uud̶e ẽbẽra wãꞌãemare Dachi Akõremaa ʉtaa id̶id̶e wãsii.

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

2 Corintios 13:1

Dachi Akõre bed̶ead̶e naka jara b̶uu: «Ab̶auba kachirua waud̶a ichiaduud̶e ẽbẽra ome maebʉrã õbea panad̶ai panuu. Maud̶e ichiba kachirua waud̶a ʉ̃rʉbena arab̶aud̶e jaraaduubʉrã, kuitaad̶ai biawãra kachirua wausii». Nauba b̶es õbea mʉ machimaa wãaruud̶eeba iadaai Dachi Akõre bed̶ead̶e jara b̶uu kĩra.

Lucas 3:21

Juanba ẽbẽrarã boro eakua b̶uasiid̶e Jesús sid̶a boro easii. Maud̶e Jesusba Dachi Akõremaa berrearuud̶e bajãa ewasii.

Mateo 5:1

Ẽbẽrarã ãrea unusiid̶e Jesús ead̶e ʉtaa wãped̶a akʉ b̶eesii. Maud̶e ichi baara nibabadaurã ichimaa neesid̶au.

Mateo 14:23

Jomaurã wãbiaped̶a ichi du ab̶a ead̶aa Dachi Akõremaa ʉtaa id̶id̶e wãsii. Kiusiid̶e ichi du ab̶a b̶uasii.

Lucas 5:16

Maamina Jesús b̶esed̶e ẽbẽra wãꞌãemaa wãbachii Dachi Akõremaa berreai baita.

Juan 6:3

Maabae Jesús ichi baara nibabadaurã ome ead̶aa wãd̶aped̶a jeed̶a akʉ paneesid̶au.

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.