Lucas 9:2 - Emberá Chamí

² Maud̶e ãchi bʉikasii Dachi Akõreba ichid̶irã ichi juad̶e ua b̶uai ʉ̃rʉbena jarad̶e wãd̶amera maud̶e ẽpermo nuree aribiabiad̶amera.

Lucas 9:2 Referans Kwoze

Lucas 10:9

Mau awara chi ẽpermo nuree aribiabiásturu. Maarãmaa naka jarásturu: “Dachi Akõreba machi ichi juad̶e ua b̶eei, ichid̶irã baara”.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Lucas 9:11

Maamina ẽbẽrarãba ichi aria b̶uu kuitaad̶aped̶a araa wãsid̶au. Maud̶e Jesusba ãchi biꞌia irsibiped̶a jaradea kob̶eesii Dachi Akõreba ichid̶irã ichi juad̶e ua b̶uai ʉ̃rʉbena. Mau bed̶ea bia jaradea b̶uud̶e chi ẽpermo nuree aribiabiasii.

Marcos 6:12

Ara makʉd̶e Jesús baara nibabadaurã wãsid̶au. Wãaduucha ẽbẽrarãmaa jarabachid̶au ãchi kachirua ida b̶ud̶aped̶a Dachi Akõremaa need̶amera.

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Lucas 16:16

»Juan neei naed̶e Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a dachiba uru panasid̶au. Mau ewarid̶eed̶ebena daiba chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena jaradea panuu. Biawãra ẽbẽrarãba ne joma wau panuu Dachi Akõre juad̶e panad̶ayua.

Lucas 10:11

“Nau puurud̶ebena ioro jora dai jʉ̃rʉd̶ebena machi daad̶e neapeeduu unubiad̶ai baita Dachi Akõreba ẽbẽrarã kastikai. Biꞌia kuitásturu Dachi Akõreba ichid̶irã ichi juad̶e ua b̶eei”.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Lucas 10:1

Mau maad̶akare Dachi Mechiu Jesusba ichi baara nibabadaurã maucha june 70 jʉrʉ adausii Dachi Akõre bed̶ea jarad̶e wãd̶amera. Ichi naa omeemea bʉikasii puurucha wãd̶amera ichi wãi kʉ̃risia b̶uumaa.

Mateo 10:5

Mau 12 ẽbẽrarã Jesusba bʉikasii. Maamina wãd̶ai naed̶e ichiba jarasii: «Judiowãerãmaa, Samaria druad̶ebena puurud̶aa bid̶a wãrã́sturu.