Lucas 9:16 - Emberá Chamí

¹⁶ Jesusba pan jua ab̶a panuu maud̶e b̶eda ome panuu ichi juad̶e adauped̶a bajãamaa ichiaped̶a Dachi Akõremaa biꞌia jarasii. Maabae b̶ʉikuaped̶a ichi baara nibabadaurãmaa jarasii dead̶akad̶amera.

Lucas 9:16 Referans Kwoze

Mateo 14:19

Maabae ẽbẽrarãmaa jarasii siruad̶e akʉ paneed̶amera. Mau pan jua ab̶a panuu maud̶e b̶eda ome panuu ichi juad̶e adauped̶a bajãamaa ichiaped̶a Dachi Akõremaa biꞌia jarasii. Maabae pan b̶ʉakuaped̶a ichi baara nibabadaurãmaa dead̶akasii dead̶akad̶amera.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

Mateo 15:36

Mau maad̶akare mau 7 pan maud̶e chi b̶eda ichi juad̶e adauped̶a Dachi Akõremaa ichíturu kid̶ibai asii. Makaped̶a chi b̶eda maud̶e pan b̶ʉakuaped̶a ichi baara nibabadaurãmaa deasii dead̶akad̶amera. Maabae dead̶akasid̶au.

Romanos 14:6

Chi bari panabadau nubariiba Dachi Mechiu baita maka wau b̶uu. Chi ne joma kobariiba maka kobarii Dachi Mechiu wapeadee b̶uud̶eeba. Maud̶eeba kooruud̶e ichiba Dachi Akõremaa ichíturu kid̶ibai abarii. Maud̶e chi ne joma kokauba maka kokau Dachi Mechiu wapeadee b̶uud̶eeba. Maud̶eeba kooruud̶e ichia bid̶a Dachi Akõremaa ichíturu kid̶ibai abarii.

Hechos 27:35

Maka jaraped̶a Pabloba pan juad̶e adauped̶a jomaurã daad̶e Dachi Akõremaa ichíturu kid̶ibai asii. Maabae chi pan b̶ʉaped̶a kosii.

Juan 6:23

Maud̶e jãbarã maucha Tiberias puurud̶ebena topana chesid̶au Dachi Mechiuba Dachi Akõremaa bichíturu kid̶ibai aped̶a ẽbẽrarãmaa pan kobiad̶amaa.

Juan 6:11

Jesusba pan juad̶e adauped̶a Dachi Akõremaa ichíturu kid̶ibai asii. Maabae ichi baara nibabadaurãmaa jarasii ẽbẽrarãmaa dead̶akad̶amera. B̶eda sid̶a ara mau kĩra wausii jomaurãba ãchi kʉ̃ria kod̶amera.

Lucas 22:19

Maabae pan ichi juad̶e adauped̶a Dachi Akõremaa ichíturu kid̶ibai jarasii. Maabae chi pan b̶ʉaped̶a ãchimaa deaped̶a naka jarasii: —Nau mʉ kakuabʉ; machi kakua dearuu. Kósturu. Mʉ kĩrabad̶ai baita ara nau kĩra wau panásturu.

1 Corintios 11:24

Dachi Akõremaa bichíturu kid̶ibai aped̶a chi pan b̶ʉaruud̶e jarasii: «Adáusturu. Kósturu. Nau mʉ kakuabʉ, machi kakua dearuu. Mʉ kĩrabad̶ai baita ara nau kĩra wau panásturu».

1 Corintios 10:30

Mʉʉba chiko ʉ̃rʉbena Dachi Akõremaa ichíturu kid̶ibai aaruubʉrã, ¿sakãe waabenarãba mʉʉba chiko kooruu ʉ̃rʉbena kachirua berread̶ai panuma? Kachirua jarad̶aabai b̶uu.

Marcos 7:34

Maabae bajãad̶aa ichiaped̶a ʉ̃yabaped̶a arameo bed̶ead̶e jarasii: «¡Efatá!» Mau bed̶ea jara b̶uu «Kʉʉrʉ ẽesãase».

Lucas 9:15

Ichi baara nibabadaurãba ichiba jarad̶a kĩra wausid̶au. Ẽbẽrarã joma akʉ paneesid̶au.

Lucas 9:17

Ẽbẽrarã joma b̶i jãwaaduud̶aa kosid̶au. Chi ʉ̃rʉ b̶eed̶a araa pesid̶aud̶e 12 jab̶ara waabirubisid̶au.