Lucas 8:47 - Emberá Chamí

⁴⁷ Chi wẽraba waud̶a poyaa merawẽe kuitaasiid̶eeba peraba uri kub̶uu wãped̶a Jesús jʉ̃rʉ kaita õdarrd̶e kob̶eesii. Maabae jomaurã daad̶e ichiba jarasii sakãe Jesús waud̶a maud̶e ara makʉd̶e aribiad̶a.

Lucas 8:47 Referans Kwoze

Marcos 5:33

Maka b̶uud̶e wẽra ab̶a peraba uri kob̶eesii Jesusd̶eeba aribiad̶a kuitaasiid̶eeba. Maabae Jesusmaa neeped̶a ichi daad̶e õdarrd̶eeba kob̶eeped̶a jarasii: —Mʉʉba biawãra bichi wausii.

2 Corintios 7:15

Titoba kĩraba b̶uabarii machiba ichi bed̶ea ijãaped̶aad̶a maud̶e wapea panuud̶eeba ichi biꞌia irsibisid̶au. Maud̶eeba machi ãrea kʉ̃ria b̶uu.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

Hechos 16:29

Maabae chi jʉ̃a b̶ee nubariiba ʉ̃d̶aa koabarii adoebiped̶a Pablo maud̶e Silas panuumaa isa ed̶aa wãsii. Wapeaba uri kub̶uuba ãchi jʉ̃rʉ kaita õdarrd̶eeba kob̶eesii.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

Lucas 8:46

Maamina Jesusba jarasii: —Ab̶auba mʉ wausii. Mʉʉba kuitaa b̶uu mʉ poyaad̶eeba mau aribiabisii.

Lucas 8:48

Maud̶e Jesusba jarasii: —Kau, bichi aribiasii, mʉʉba maka waui b̶uu biawãra ijãasiid̶eeba. Jirukaraayuwãe wãse.