Lucas 8:25 - Emberá Chamí

²⁵ Maabae ichi baara nibabadaurãmaa naka jarasii: —Machiba ijãa panuu ¿Sãasma? Maamina ichi baara nibabadaurãba wapeaba kãare kʉ̃risiad̶ayu adua basii. Ãchi chiya id̶isid̶au: —¿Nau kaima? Pũaturãba maud̶e mar bid̶a ichi bed̶ea ijãa panuu.

Lucas 8:25 Referans Kwoze

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Mateo 14:31

Ara makʉd̶e Jesusba juad̶e jidau adausii maabae jarasii: —¿Wabid̶a bichiba ijãawẽa b̶uka? ¿Sakãe ijãawẽa b̶uma mʉʉba bichi bania ʉ̃rʉ poyaa nibabii b̶uu?

Juan 11:40

Maamina Jesusba jarasii: —¿Mʉʉba jaraabaska bichiba biawãra ijãaruubʉrã, Dachi Akõre chi mechiu nii unui?

Lucas 12:28

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 6:30

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Marcos 4:35

Mau ewarid̶e kiusiid̶e Jesusba ichi baara nibabadaurãmaa jarasii: —Mar kĩaraa wãd̶a.

Lucas 8:24

Maud̶eeba Jesús ʉ̃rʉmad̶aped̶a naka jarasid̶au: —¡Jaradeabarii, Jaradeabarii, dachi taawãmaa panuu! Jesús jiraduped̶a pũatu maud̶e do ʉ̃rapemaa jarasii apiid̶amera. Ara makʉd̶e joma apii nub̶eesii.

Lucas 8:26

Mar kĩaraa wãd̶aped̶a Gerasa druad̶aa neesid̶au. Gerasa Galilea mar kĩare b̶uu.