Lucas 8:12 - Emberá Chamí

¹² Netaa od̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ũrid̶aped̶a jʉbawãe niiba mau bed̶ea ãchi sõd̶e need̶a kʉde b̶eebikau ijãarãad̶amera. Maka ãchi kachiruad̶ebena wãd̶akau.

Lucas 8:12 Referans Kwoze

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Marcos 4:15

Netaa od̶e b̶aed̶a chi Dachi Akõre bed̶ea ũribadaurã kĩra nuree. Mau bed̶ea ũri panuu, maamina ara makʉd̶e Satanás mau bed̶ea ãchi sõd̶e need̶a wãꞌãebibarii.

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Lucas 8:5

«Ẽbẽra ab̶a netaa pod̶e wãsii. Maka po kãriid̶e chi b̶ee netaa od̶e b̶aesid̶au. Maud̶eeba ẽbẽrarãba ʉ̃rʉ biraduasid̶au maud̶e ibanarãba pemikuasid̶au.

Mateo 13:4

Maka po kãriid̶e chi b̶ee netaa od̶e b̶aesid̶au. Maabae ibanarã need̶aped̶a pemikuasid̶au.

Lucas 8:11

Mʉʉba nebʉrʉd̶a naka jara b̶uu: chi netaa Dachi Akõre bed̶eabʉ.

Lucas 8:13

Netaa mo ʉ̃rʉ ioro bia wãꞌãed̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ãrea kĩrajʉʉ ũribadau, maamina ãrea karr jidaud̶akaud̶eeba sõd̶eeba ijãad̶akau. Maud̶eeba kãꞌãabariwãed̶e ãrea kachirua wauduud̶e ida b̶ubadau.