Lucas 6:35 - Emberá Chamí

³⁵ »Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Lucas 6:35 Referans Kwoze

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Juan 15:8

Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

Hechos 14:17

Maamina ewaricha biꞌia wau b̶uud̶eeba ichiba kuitaabi b̶uu ichi biawãra nii. Ichiba bajãad̶ebena kui neebibarii maud̶e ne uu nub̶uu chaubiabarii. Maka ichiba dachi b̶i jãwaa kobiabarii maud̶e sõd̶e kĩrajʉʉbiabarii.

Lucas 1:32

Mau chi mechiu bai maud̶e Dachi Akõre mechiuba ichi Warr ai. Dachi Akõre ichi israeld̶ebenarã mechiu b̶ui ichi nabẽraed̶e David b̶uad̶a kĩra.

Marcos 5:7

jĩwa jarasii: —Dachi Mechiu Warr, Jesús, ¿sakãe mʉ joe b̶uma? ¡Michuburia, Dachi Akõre daad̶e jarase mʉ biꞌiwãe b̶eebiibai!

Mateo 5:9

Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Lucas 6:36

Ara mau kĩra machiba kĩra chuburia panásturu machi Akõre bajãad̶e b̶uuba kĩra chuburiabarii kĩra.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.