Lucas 6:19 - Emberá Chamí

¹⁹ Joma chi ẽpermo nureerãba ichi wau kʉ̃ria panasid̶au Dachi Akõre poyaad̶eeba aribiabii b̶uud̶eeba.

Lucas 6:19 Referans Kwoze

Mateo 14:36

Ãchiba ichimaa chi chuburia id̶isid̶au ichiba ichi anab̶ari jʉ̃barii id̶e waubiamera. Joma ẽpermo nureeba mau wauduud̶e aribiabachid̶au.

Marcos 6:56

Ichi wãaruumaacha ẽbẽrarãba ẽpermo nuree adoebachid̶au. Puuru kaebeurãd̶e, puuru b̶eed̶e maud̶e puuru awarad̶e maka waubachid̶au. Od̶e nub̶ubachid̶au maud̶e Jesús wãyaa wãaruud̶e, chi chuburia id̶ibachid̶au ichi anab̶ari jʉ̃barii id̶e waubiamera. Joma ẽpermo nureeba mau wauduud̶e aribiabachid̶au.

Marcos 5:30

Maamina Jesusba kuitaasii ichi poyaad̶eeba ab̶a aribiasii. Maud̶eeba waya ichiaped̶a id̶isii: —¿Kaiba mʉ paru wausma?

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Marcos 8:22

Betsaida puurud̶e neesid̶aud̶e waabenarãba ẽbẽra dau pãriu nii Jesusmaa adoed̶aped̶a chi chuburia id̶isid̶au aribiabimera.

Hechos 19:12

Barikiu paru Pabloba jʉ̃ b̶uad̶a ẽbẽrarãba chi ẽpermo nureerãmaa adoebachid̶au. Mauba chi ẽpermo nuree aribiabiabachid̶au maud̶e jai kachiruarã sid̶a ẽbẽrarã kakuad̶ebena duabʉibachid̶au.

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Lucas 6:18

neesid̶au Jesusba jaradea b̶uu ũrid̶ai baita maud̶e ẽpermo nuree aribiabiamera. Mau awara Jesusba jai kachiruarã ẽbẽrarã kakuad̶ebena duabʉikasii.