Lucas 5:5 - Emberá Chamí

⁵ Maamina Simonba panausii: —Jaradeabarii, dai ẽsabud̶e mard̶e b̶ata panuu ewarisid̶au. Maamina b̶eda b̶aꞌãra bid̶a jidaud̶aabasii. Maamina bichiba maka jara b̶uu baerã makai.

Lucas 5:5 Referans Kwoze

Juan 2:5

Maamina Jesús naweba chi chiko dead̶aka panuumaa jarasii: —Ichiba jaraaruu joma wáusturu.

Juan 15:14

Mʉʉba waubi b̶uu bed̶ea machiba ijãaduubʉrã machi mʉ kõpaerorãbʉ.

Juan 21:3

Maka panuud̶e Simón Pedroba jarasii: —Mʉ do b̶atad̶e wãaruu. Maud̶e ãchiba jarasid̶au: —Dai bichi baara wãd̶ai. Ara makʉd̶e jãbad̶e ataud̶aped̶a wãsid̶au. Maamina mau ẽsabud̶e b̶eda jidaud̶aabasii.

Lucas 8:24

Maud̶eeba Jesús ʉ̃rʉmad̶aped̶a naka jarasid̶au: —¡Jaradeabarii, Jaradeabarii, dachi taawãmaa panuu! Jesús jiraduped̶a pũatu maud̶e do ʉ̃rapemaa jarasii apiid̶amera. Ara makʉd̶e joma apii nub̶eesii.

Lucas 17:13

Jesusmaa naka jĩwa b̶iasid̶au: —¡Jaradeabarii, Jesús, dai kĩra chuburiáse!

Lucas 9:33

Mau ẽbẽrarã Jesús ome panad̶a wãaduud̶e Pedroba Jesusmaa jarasii: —Jaradeabarii, biꞌia b̶uu dai nama panuu. De cheke õbea pãeb̶arid̶ai: ab̶a bichi baita, ab̶a Moisés baita maud̶e ab̶a Elías baita. Pedro maka berreasii kãare kʉ̃risiai adua b̶uasiid̶eeba.

Lucas 9:49

Maabae Juanba naka jarasii: —Jaradeabarii, daiba ẽbẽra unusid̶au bichi trʉ̃d̶eeba jai kachirua duabʉikua b̶uu. Maamina dachi baara nibakaud̶eeba daiba ichimaa jarasid̶au waa maka waurãamera.

Lucas 8:45

Maud̶e Jesusba id̶isii: —¿Kaiba mʉ wausma? Jomaurãba panausid̶au waud̶awẽa panuma. Maud̶eeba Pedroba jarasii: —Jaradeabarii, ẽbẽrarãba bichi pĩchua uru panuu. ¿Sakãe bichiba id̶i b̶uma kaiba bichi wausii?