Lucas 5:3 - Emberá Chamí

³ Maud̶e Jesús Simón Pedro jãbad̶e ed̶a wãped̶a jarasii ibu iikaabena b̶aꞌãra adoemera. Maabae jãbad̶e akʉ b̶eeped̶a joma aria panuurãmaa jaradea kob̶eesii.

Lucas 5:3 Referans Kwoze

Mateo 4:18

Jesús Galilea mar iikaa niid̶e mukĩra ome unusii. Ab̶a Simón basii, Pedro abadau. Chi ab̶abena chi ãba Andrés basii. Mau ẽbẽrarã b̶eda jidaubadaurã basiid̶eeba, mard̶e b̶ata nibasid̶au.

Juan 8:2

Norema daped̶e waya Dachi Akõre de mechiu dud̶aa wãsii. Aria b̶uud̶e ẽbẽrarã ãrea ichimaa neesid̶au. Jeed̶a akʉ b̶eeped̶a ãchimaa jaradea kob̶eesii.

Marcos 3:9

Ichiba ẽpermo nuree aribiabiad̶ad̶eeba ẽbẽrarãba ichi waud̶ayua pĩchua imisid̶au. Ichi pĩchua uru panarãad̶amera Jesusba ichi baara nibabadaurãmaa jarasii jãba adoed̶amera.

Lucas 5:2

Aria mar iikaa jãba ome topanasid̶au. Mau jãba chibarirã jãbad̶ebena ibud̶e wãd̶aped̶a ãchi ãtarraya jeraamaa panasid̶au.