Lucas 5:21 - Emberá Chamí

²¹ Mau ũrisid̶aud̶e aria panuu fariseorãba maud̶e Moisesba b̶ʉd̶a jaradeabadaurãba naka jarasid̶au: «Jãu ¿kai kʉ̃risia b̶uma? ¿Sakãe maka Dachi Akõre daad̶e kachirua berrea b̶uma? Ab̶a Dachi Akõréburu ẽbẽraba kachirua waud̶a poyaa perdonabarii».

Lucas 5:21 Referans Kwoze

Juan 10:33

Judiorãba panausid̶au: —Daiba bichi mooba b̶atad̶aabai ne biꞌia wau b̶uu kakua, maumaarã b̶atad̶ai bichi ẽbẽra niikaud̶e ara Dachi Akõre a b̶uud̶eeba. Mauba bichiba Dachi Akõre ʉ̃rʉbena kachirua jara b̶uu.

Lucas 7:49

Maamina waabenarã aria akʉ duanuurã chiya berrea bara b̶eesii: —Nau ¿kai kʉ̃risia b̶uma? ¿Maka waabenaba kachirua waud̶a ichiba poyaa perdona b̶uka?

Mateo 26:65

Maabae chi paare mechiu nii kĩruuruuba ichi paru kõetaped̶a waabenarãmaa jarasii: —¡Maka jãuba Dachi Akõre ʉ̃rʉbena kachirua jara b̶uu! ¿Sakãe june ẽbẽrarã jʉrʉd̶aima jãu ʉ̃rʉbena jidead̶amera? Ara machiba ũrisid̶au jãuba Dachi Akõre kachirua ʉ̃rʉbena jaraaruu.

Romanos 8:33

¿Kaiba Dachi Akõremaa ichiba jʉrʉ adaud̶arã ʉ̃rʉbena poyaa kachirua jaraima? Ara Dachi Akõreba dachi chi ichid̶irã jipa nuree baara duanubarii.

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Mateo 9:3

Aria Moisesba b̶ʉd̶a jaradeabadaurã chi waabenarã duanasid̶au. Maarãba kʉ̃risiasid̶au: «Ichiba Dachi Akõre ʉ̃rʉbena kachirua berrea b̶uu».

Lucas 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a. Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: Dachi Akõreba kʉ̃riaibʉrã cha b̶ee mo Abrahamd̶ebena imiped̶aad̶arã babiakuai.

Lucas 5:22

Maamina Jesusba ãchiba kʉ̃risia panuu kuitaasiid̶eeba naka id̶isii: —¿Sakãe machi sõd̶e jãka kʉ̃risia panuma?