Lucas 4:4 - Emberá Chamí

⁴ Jesusba panausii: —Dachi Akõre bed̶ead̶e naka b̶ʉ kub̶uu: “Ko b̶uud̶éburu ẽbẽra chokae b̶uabai b̶uu, [mau kãyabãra joma Dachi Akõreba jara b̶uu ijãa b̶uud̶eeba chokae nibai”.]

Lucas 4:4 Referans Kwoze

Mateo 4:4

Maamina Jesusba panausii: —Dachi Akõre bed̶ead̶e naka b̶ʉ kub̶uu: “Ko b̶uud̶éburu ẽbẽra chokae b̶uabai b̶uu, mau kãyabãra joma Dachi Akõreba jara b̶uu ijãa b̶uud̶eeba chokae nibai”.

Efesios 6:17

Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

Mateo 6:31

»Maud̶eeba ãrea kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena.

Lucas 4:8

Maamina Jesusba jarasii: —Jʉbawãe nii, ãyaa wãse. Dachi Akõre bed̶ead̶e naka b̶ʉ kub̶uu: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Lucas 22:35

Maabae Jesusba ãchimaa jarasii: —Mʉʉba machi chi nejarraswãe, ũabisaswãe maud̶e jʉ̃rʉd̶e jʉ̃badauswãe bʉikasiid̶e ¿ne kaebea june kʉ̃ria panaska? Ãchiba panausid̶au: —June ab̶a kʉ̃riad̶aabasii.

Lucas 4:3

Maka b̶uud̶e jʉbawãe niiba Jesusmaa nau jarasii: —Bichi biawãra Dachi Akõre Warrbʉrã, nau moomaa jarase pan bamera.