Lucas 4:1 - Emberá Chamí

¹ Jesús Dachi Akõre Jauri baara b̶uad̶a, Jordán dod̶ebena waya wãsii. Maud̶e Dachi Akõre Jauriba mau drua sirua wãꞌãe b̶uud̶aa adoesii.

Lucas 4:1 Referans Kwoze

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Juan 3:34

Dachi Akõreba bʉid̶aba Dachi Akõre bed̶ea jarabarii, Dachi Akõreba ichi Jauri wãakawẽa deasiid̶eeba.

Juan 1:32

Maud̶e jarasii: «Mʉʉba unusii Dachi Akõre Jauri bajãad̶ebena paloma kĩra neeped̶a Jesús baara b̶eeruu.

Mateo 3:16

Jesús boro ead̶akare doed̶abena wãaruud̶e bajãa ewa wãsii. Maud̶e Dachi Akõre Jauri paloma kĩra ichi ʉ̃rʉ neeruu unusii.

Lucas 4:14

Mau maad̶akare Jesús Dachi Akõre Jauri poyaad̶eeba Galilea druad̶aa waya wãsii. Joma mau druad̶e ẽbẽrarãba ichi trʉ̃ poasid̶au.

Hechos 8:39

Baniad̶ebena awara wãsid̶aud̶e, Dachi Mechiu Jauriba Felipe ãyaa adoesii. Chi trajabarii mechiuba ichi waa unuubasii, maamina od̶e kĩrajʉʉ wãsii.

Hechos 1:2

ab̶a Dachi Akõreba bajãad̶aa adoeruud̶aa. Bajãad̶aa wãi naed̶e Dachi Akõre Jaurid̶eeba Jesusba chi ichiba bʉid̶arãmaa jaradeasii kãare waud̶ai panuu. Maarã ichiba jʉrʉ adaud̶a basii.

Lucas 2:27

Dachi Akõreba Moisesmaa b̶ʉbid̶ad̶e b̶ʉ kub̶uu kĩra waud̶ai baita akõrerãba Jesús Dachi Akõre de mechiud̶aa adoesid̶aud̶e Dachi Akõre Jauriba Simeón araa wãbisii.

Lucas 3:3

Maud̶eeba Juan joma Jordán do kaita duanuurãmaa jarad̶e wãsii ãchi kachirua ida b̶ud̶aped̶a Dachi Akõremaa need̶amera. Ichiba jarasii maka waud̶arã Dachi Akõreba ãchi kachirua perdonai. Chi ijãaduu ichiba doed̶a boro eabachii.

Lucas 3:38

Cainán Enós warr basii. Enós Set warr basii. Set Adán warr basii. Adán Dachi Akõre warr basii.