Lucas 3:1 - Emberá Chamí

¹ Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Lucas 3:1 Referans Kwoze

Lucas 2:1

Mau ewarid̶e Romad̶ebena chi aude mechiu César Augustoba ichi juad̶e b̶ee joma juasiibiasii.

Mateo 27:2

Maabae jʉ̃d̶aped̶a, Romad̶ebena ẽbẽra Poncio Pilato abadaumaa adoesid̶au. Mau Pilato Judea druad̶ebena jaradea ua b̶uabarii basii.

Hechos 26:30

Maka jarasiid̶e Agripa, Festo, Berenice maud̶e joma aria akʉ b̶ee jiradusid̶au.

Hechos 24:27

Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 23:26

Mʉ, Claudio Lisiasba nau karta b̶ʉʉruu mʉ karr Félix baita. Mʉʉba kʉ̃ria b̶uu bichi biꞌia b̶uai.

Hechos 4:27

Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,

Lucas 23:24

Maud̶eeba Pilatoba ãchiba jara panuu kĩra wausii.

Lucas 9:7

Herodes Galilea druad̶ebena chi jaradea ua b̶uabarii basii. Mau Herodesba joma Jesusba wau b̶uu ʉ̃rʉbena ũrisii. Ichiba kãare kʉ̃risiai adua b̶uasii waabenarãba naka jara panuud̶eeba: —Juan chi Boro Eabarii chokae jiradusii.

Lucas 3:19

Maamina Juanba Galilead̶ebena chi jaradea ua b̶uabarii Herodes iadaabachii mauba wẽra uru b̶uu Herodías kakua. Mau Herodías biawãra Herodes ãba Felipe wẽra basii. Mau awara Juanba ichi iadaabachii ne joma kachirua waud̶a kakua.

Marcos 6:17

Herodesba Juan beabid̶a naka b̶uasii: Herodesba ara ichi ãba Felipe wẽra adausii. Mau wẽra Herodías abachid̶au. Herodesba ichi ãyure adausiid̶eeba Juanba jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Mateo 14:3

Herodesba mau jarasii Juan beabisiid̶eeba. Mau naka b̶uasii: Herodesba ara ichi ãba Felipe wẽra Herodías abadau adausii. Maamina Juanba ichimaa jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Mateo 14:1

Mau ewarid̶e Herodes Galilea druad̶ebena chi jaradea ua b̶uabarii basii. Mau Herodesba Jesusba waud̶a ʉ̃rʉbena ũrisii.

Mateo 14:6

Herodes chi naweba adaud̶a ewari kĩrajʉʉ wau panuud̶e Herodías kau jomaurã daad̶e baerasii. Mauba Herodes ãrea kĩrajʉʉsii.

Mateo 22:17

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka maebʉrã ¿biꞌiwãe b̶uka?

Marcos 6:21

Kaad̶aa Herodiasba Juan saka beabii kuitaasii. Naka b̶uasii: chi jaradea ua b̶uabarii Herodes chi naweba adaud̶a ewari neesiid̶e chiko kobadau ãrea waubiasii. Ichid̶irã chi mechiurã, chi kokoroarã jaradea ua b̶uabadaurã maud̶e Galilea druad̶ebena chi mechiu nuree iukuasii ichi baara kod̶amera.

Lucas 13:31

Mau ewarid̶e waabenarã fariseorã need̶aped̶a Jesusmaa jarasid̶au: —Namabena isa wãse. Herodesba bichi beai kʉ̃ria b̶uu.