Lucas 24:4 - Emberá Chamí

⁴ Maud̶eeba ãchiba kãare kʉ̃risiad̶ai adua basii. Maka b̶uud̶e ãchi kaita ẽbẽra ome b̶ari topanuu unusid̶au. Paru ted̶echoa jʉ̃ panasid̶au.

Lucas 24:4 Referans Kwoze

Marcos 16:5

Ara makʉd̶e chob̶ead̶e ed̶a wãaduud̶e kũudrãa ãchi jua biare akʉ b̶uu unusid̶au. Mauba paru torroa jʉ̃ nibasii. Mau kakua wẽrarã perasid̶au.

Hechos 1:10

Wabid̶a Jesús ʉtaa wãd̶amaa ichia panuud̶e, ãchi kaita ẽbẽra ome neesid̶au. Maarã paru jʉ̃ panuu torroa ãrea b̶uasii.

Lucas 2:9

Maka b̶uud̶e Dachi Mechiud̶e ángel ãchimaa unubisii. Maud̶e Dachi Akõre kĩrawãrea ted̶echoa ãchi jãkaa ãrea ʉ̃d̶aa nub̶eesii. Maud̶eeba oeja nubadaurã ãrea perasid̶au.

Lucas 24:5

Maabae wẽrarã ãrea perad̶aped̶a daub̶ʉʉrʉ ioromaa tʉsid̶au. Maud̶e chi ẽbẽrarãba ãchimaa jarasid̶au: —¿Sakãe machiba chokae nii biud̶arã tãed̶e jʉrʉ panuma?

Hechos 12:7

Maka b̶uud̶e Dachi Mechiud̶e angelba Pedromaa unubisii. Mauba chi jʉ̃abadaumare ʉ̃d̶aa nub̶eebisii. Mauba Pedro orr wauped̶a ʉ̃rʉmabisii. Maud̶e jarasii: «Isa jiraduse». Makaaruud̶e Pedro juad̶e kaena jʉ̃ b̶uu ena b̶aesid̶au.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.