16 Maamina Jesús maka nii ãchimaa ida kauwa unubiibasii.
Daped̶eed̶e Jesús ibud̶e nibasii maamina ãchiba unusid̶amina ichi kauwa unud̶aabasii.
Ara mau jaraaruud̶e María ãyaa ichiasiid̶e, Jesús unusii; maamina kuitaabasii Jesús jãma b̶uu.
Maud̶éburu Dachi Akõreba ãchimaa ida kuitaabiasii Jesús b̶uu. Maamina Jesús ara makʉd̶e wãꞌãesii.
Mau maad̶akare Jesús baara nibabadaurã ome puuru awara nibasid̶au. Maarãmaa Jesusba ichi kĩra awara unubiasii.
Maka berrea nid̶aud̶e Jesús ara kaita neeped̶a ãchi baara nibasii.
Maabae Jesusba ãchimaa id̶isii: —¿Machiba kãare ʉ̃rʉbena berrea panuma? Mau ũrisid̶aud̶e kĩra nomaa b̶ari topaneesid̶au.
