Lucas 23:4 - Emberá Chamí

⁴ Maabae Pilatoba paare mechiurãmaa maud̶e ẽbẽrarã aria duanuumaa jarasii: —Mʉʉba unuwẽe nau ẽbẽra nebʉra bara b̶uu.

Lucas 23:4 Referans Kwoze

Juan 18:38

Maud̶e Pilatoba id̶isii: —¿Kãarema mau biawãra? Maka jarasiid̶e Pilato waya awara judiorãmaa wãped̶a jarasii: —Mʉʉba unuwẽe nau ẽbẽraba kãare kachirua wausii.

1 Pedro 2:22

Cristoba kachirua wauka basii maud̶e setaa jaraka basii.

Lucas 23:22

Maud̶e Pilatoba waya ãchimaa jarasii: —¿Maamina nau ẽbẽraba kãare kachirua wausma? Nauba kachirua wauwẽa b̶uu bead̶ai baita. Maud̶eeba pebiped̶a maabae enatai.

Marcos 15:14

Pilatoba id̶isii: —¿Sakãe maka wauima? ¿Ichiba kãare kachirua wausma? Maka berrea b̶uud̶e waya aude b̶iasid̶au: —¡Cruzd̶e jirab̶u beabise!

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Hechos 25:25

Maamina mʉʉmaarã ne ab̶a bid̶a kachirua wauwẽa b̶uu jãu bead̶ai baita. Maud̶e ichiba id̶isii Romad̶ebena chi aude mechiuba ichi nebʉra ichiamera. Maud̶eeba mʉʉba jãu Romad̶aa bʉii baita b̶uu.