Lucas 23:33 - Emberá Chamí

³³ Drua «Dachi Boro B̶ʉʉrʉ» abadaumaa neesid̶aud̶e Jesús cruzd̶e jirab̶usid̶au. Chi ẽbẽra kachiruarã sid̶a cruzd̶e jirab̶usid̶au, ab̶a Jesús jua biare, ab̶a jua sordoare.

Lucas 23:33 Referans Kwoze

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

Juan 18:32

Judiorãba maka jaraped̶aad̶aba kuitaabiasii Jesusba ichi saka biui b̶uu jarad̶a biawãra makasii.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Hechos 13:29

Dachi Akõre kartad̶e ichi bead̶ai ʉ̃rʉbena b̶ʉped̶aad̶a joma mau maad̶akare ichi cruzd̶ebena ed̶aa adaud̶aped̶a jau b̶usid̶au.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Juan 3:14

Moisesba drua sirua wãꞌãe b̶uud̶e dama bronce waud̶a ʉtʉ jira b̶ud̶a kĩra, mʉ, chi Ẽbẽra Ba B̶uad̶a ʉtʉ jirab̶ud̶ai,

Lucas 24:7

Ichiba naka jarasii: “Mʉ, chi Ẽbẽra Ba B̶uad̶a ẽbẽrarã kachiruarãmaa jidau dead̶ai panasii. Mʉ cruzd̶e bead̶ai, maamina ewari õbead̶e chokae jiradui”.

Mateo 26:2

—Machiba kuitaa panuu ewari ome baaruud̶e Pascua ewari waud̶ai. Maud̶e ab̶auba mʉ, chi Ẽbẽra Ba B̶uad̶a jidaubii cruzd̶e jirab̶u bead̶amera.

Mateo 20:19

Maabae mʉ judiowãerãmaa dead̶ai, mʉ atua jarad̶aped̶a, soaba ped̶aped̶a maabae mʉ cruzd̶e jirab̶u bead̶amera. Maamina ewari õbead̶e mʉ chokae jiradui”.