Lucas 23:2 - Emberá Chamí

² Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Lucas 23:2 Referans Kwoze

Juan 19:12

Mau ũrisiid̶e Pilato kʉ̃risia b̶eesii Jesús saka ida bʉi. Maamina judiorãba waya jĩwa jara kopaneesid̶au: —Bichiba jãu ẽbẽra ida bʉiruubʉrã bichiba Romad̶ebena chi aude mechiu ome biawãra kõpaerowãe. Barikiuba ara ichi rey nii aaruubʉrã, mau ẽbẽra Romad̶ebena chi aude mechiu ome kĩramaa nii.

Lucas 23:14

Ãchimaa naka jarasii: —Machiba mʉʉmaa nau ẽbẽra eneesid̶au jarad̶ai baita jãuba puuru kĩrubikabi b̶uu; maamina machi daad̶e ãrea id̶ismina machiba jideaped̶aad̶a ʉ̃rʉbena, chi nebʉra unuwẽe.

Hechos 24:5

Daiba kuitaa panuu nau ẽbẽraba nebʉra wau b̶uabarii. Ichiba joma nau druad̶e judiorã kĩrubika b̶uabiabarii. Ichi nazarenod̶ebenarã chi jaradea ua b̶uabariibʉ.

Juan 18:30

Ãchiba panausid̶au: —Nauba kachirua waud̶awãe basirã daiba nau bichimaa adoed̶aabai basii.

Marcos 12:17

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Hechos 24:13

Nau ẽbẽrarãba poyaa kuitaabid̶awẽa ãchiba jara panuu biawãra b̶uu.

Lucas 23:5

Maamina waya jara kopaneesid̶au: —Jãuba jaradea b̶uuba dai judiorã kĩrubikabi b̶uu. Nau Galilea druad̶e maka wausii maud̶e nau puurud̶e bid̶a maka wau b̶uu.

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

Mateo 27:11

Maud̶e Jesús Pilato daad̶e b̶ari nub̶uasii. Pilatoba ichimaa id̶isii: —¿Bichi biawãra judiorã reyka? Jesusba panausii: —Maerã, ara bichiba jarasii.

Marcos 15:2

Pilatoba Jesusmaa id̶isii: —¿Bichi biawãra judiorã reyka? Jesusba panausii: —Maerã, ara bichiba jarasii.

Juan 18:29

Maud̶eeba Pilato ãchimaa awara wãped̶a id̶isii: —Nau ẽbẽra, machiba kachirua jara panuuba ¿kãare kachirua wausma?

Romanos 13:7

Jomaurãmaa deásturu machiba ãchicha dead̶ai panuu kĩra. Machi jaradea ua b̶uabadaurãmaa chi nejarra dead̶ai panuu deásturu. Machiba wapeadee panad̶ai panuu wapeadee panásturu. Machiba chi biꞌia jarad̶ai panuurãmaa biꞌia jarásturu.