Lucas 22:8 - Emberá Chamí

⁸ Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Lucas 22:8 Referans Kwoze

Hechos 8:14

Maud̶e chi Jesusba bʉid̶arã Jerusalend̶e nureeba ũrisid̶au Samariad̶ebenarãba Dachi Akõre bed̶ea ijãasid̶au. Maud̶eeba Pedro maud̶e Juan ãchimaa bʉisid̶au.

Hechos 4:19

Maamina Pedroba maud̶e Juanba jarasid̶au: —Biꞌia kʉ̃risiásturu. ¿Biꞌia b̶uka Dachi Akõred̶e ijãad̶ai maebʉrã chi machiba jara panuu ijãad̶ai? Daimaarã biꞌia b̶uu Dachi Akõred̶e ijãad̶ai.

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Hechos 3:11

Chi ẽbẽra jʉ̃rʉ bʉʉ nibad̶a Pedro maud̶e Juan jãkaabena wãabasii. Ãchi Dachi Akõre de ãbudare Salomón abadaud̶e panasid̶au. Jomaurãba kuitaa kʉ̃risiad̶aabasiid̶eeba ãchimaa pira wãsid̶au.

Hechos 3:1

Ewari ab̶a ãsa ʉ̃rʉ õbea baaruud̶e, judiorãba Dachi Akõremaa ʉtaa id̶ibadau horad̶e, Pedro maud̶e Juan Dachi Akõre de mechiud̶aa wãsid̶au.

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Lucas 22:9

Maud̶e ãchiba id̶isid̶au: —¿Bichiba sama kʉ̃ria b̶uma daiba mau waud̶e wãd̶ai?

Hechos 3:3

Pedro maud̶e Juan ed̶a wãaduu unusiid̶e chi nejarra id̶isii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.