Lucas 22:37 - Emberá Chamí

³⁷ Mʉʉba jaraaruu: Dachi Akõre baita berreabariiba mʉ ʉ̃rʉbena b̶ʉd̶a biawãra makai b̶uu. Naka b̶ʉsii: “Ara mau ẽbẽra kachirua kĩra kʉ̃risia panasid̶au”. Mʉ ʉ̃rʉbena b̶ʉped̶aad̶a biawãra joma makai.

Lucas 22:37 Referans Kwoze

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Lucas 23:32

Jesús baara cruzd̶e bead̶ai baita ẽbẽra kachiruarã ome adoesid̶au.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 10:35

Dachiba kuitaa panuu Dachi Akõre bed̶ea ewaricha biawãrabʉ. Dachi Akõreba mau ẽbẽrarãmaa “Machi dachi akõrerãbʉ” asiid̶e

Lucas 18:31

Jesusba chi ichi baara nibabadaurã 12 ãyaa adoeped̶a jarasii: «Dachi Akõre baita berreabadaurãba mʉ, chi Ẽbẽra Ba B̶uad̶a ʉ̃rʉbena kartad̶e b̶ʉsid̶au. Dachi Jerusalend̶e needuud̶e ãchiba b̶ʉped̶aad̶a joma makai.

Lucas 22:22

Biawãra mʉ, chi Ẽbẽra Ba B̶uad̶a biꞌiwãe b̶uu Dachi Akõreba jarad̶a kĩra, maamina ¡chi mʉ jidaubiiruu ẽbẽra miichuburi b̶uu!

Marcos 15:27

Aria nechirurã sid̶a ome cruzd̶e jirab̶usid̶au, ab̶a Jesús jua biare, ab̶a jua sordoare.

Lucas 22:36

Maud̶eeba ichiba jarasii: —Maamina jãabae mʉʉba jaraaruu: chi nejarra uru b̶uubʉrã adoese. Ũabisa bara b̶uubʉrã mau sid̶a adoese. Espadaswãe b̶uuba anab̶ari jʉ̃barii nedobʉiped̶a ab̶a nedose.

Lucas 22:52

Maabae Jesusba paare mechiurãmaa, Dachi Akõre de mechiu nubadaurã jaradea ua b̶uabadaurãmaa maud̶e chi judiorã mechiu nureerãmaa naka jarasii: —Machiba ¿sakãe espada baara, bakuru baara mʉ jãka jidaud̶e neesid̶ama? ¿Makarã mʉ ẽbẽra mia kachirua nika?

Lucas 24:27

Maabae Dachi Akõre kartad̶e ichi ʉ̃rʉbena b̶ʉped̶aad̶a joma kuitaa jarasii. Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma kuitaa jarasii.

Marcos 15:28

[Mau makasii Dachi Akõre Bed̶ead̶e b̶ʉd̶a kĩra: «Kachirua waubadaurã baara ãbua nub̶usid̶au».]