Lucas 21:23 - Emberá Chamí

²³ Mau ewarid̶e miichuburi chi wẽrarã warr bara nuree maud̶e warr ju dawa nuree. Nau iujãad̶e jomaurã ãrea biꞌiwãe panad̶ai Dachi Akõreba nau puuru kastikaaruud̶eeba.

Lucas 21:23 Referans Kwoze

Lucas 23:29

Ewari ab̶aud̶e ẽbẽrarãba jarad̶ai: “Chi wẽrarã warr dead̶akau biꞌia duanuu, maud̶e chi ju dawad̶akau”.

Marcos 13:17

Mau ewarid̶e miichuburi chi wẽrarã warr bara nuree maud̶e warr ju dawa nuree.

Mateo 24:19

Mau ewarid̶e miichuburi chi wẽrarã warr bara nuree maud̶e warr ju dawa nuree.

1 Pedro 4:17

Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

Santiago 5:1

Chi nejarra barau nuree, ¡mʉ bed̶ea ũrísturu! ¡Kĩra nomaa jẽásturu, kãꞌãabariwãed̶e machi nebʉrad̶e paneed̶aid̶eeba!

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Lucas 19:43

Maud̶eeba ewari ab̶a b̶uai chi bichi kĩramaabarii bichi ome chĩod̶e need̶ai. Bichi ad̶u orrod̶aped̶a bichi ad̶u ioro joma imatud̶ai, ab̶a bid̶a jĩidru wãrãad̶amera.

Lucas 19:27

“Mau awara mʉ ãchi jaradea ua b̶uabarii bai kʉ̃riawẽa panad̶a, eneed̶aped̶a mʉ daad̶e beásturu”».

Mateo 21:44

Barikia chi mau mokara ʉ̃rʉ b̶aeruubʉrã joma ãrii, maud̶e mau mokara ẽbẽra ʉ̃rʉ b̶aeruubʉrã berpetai.

Mateo 21:41

Maud̶e paare mechiurãba maud̶e judiorã mechiurãba naka panausid̶au: —Ichiba kĩra chuburiawẽa mau ẽbẽrarã kachiruarã kenaped̶a, waabena ẽbẽrarã ome bed̶ea deai chi uud̶a nud̶amera. Mau ẽbẽrarãba ichi uud̶ad̶ebena dead̶ai panuu chi uva waraa nub̶eeruud̶e dead̶ai.

Mateo 21:16

Ãchiba Jesusmaa naka jarasid̶au: —¿Nau warrarãba jara panuu bichiba biꞌia ũri b̶uka? Jesusba panausii: —Maerã. ¿Machiba nau bed̶ea ed̶a jarad̶awãe panuu kĩra? “Bichiba warrarã maud̶e ju do nuree b̶usii bichimaa biꞌia berread̶amera”.

1 Corintios 7:26

Naka jaraaruu: mʉʉmaarã nau ewarid̶e ãrea biꞌiwãe panuud̶eeba dachi mukĩra du nuree ara mau kĩra nuread̶ai panuu.