Lucas 20:25 - Emberá Chamí

²⁵ Maud̶eeba Jesusba ãchimaa jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Lucas 20:25 Referans Kwoze

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

Hechos 5:29

Maud̶e Pedroba maud̶e chi waabenarã Jesusba bʉid̶arãba panausid̶au: —Ẽbẽrarãba jara panuu audeara Dachi Akõreba jara b̶uu ijãad̶ai panuu.

Marcos 12:17

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

Lucas 20:24

Sẽetao dachiba paabadau ab̶a unubísturu. ¿Kai kĩedarrma nau chi sẽetaod̶e b̶uu? ¿Kai trʉ̃ b̶ʉ kub̶uma? Ãchiba panausid̶au: —Romad̶ebena chi aude mechiu niid̶e.