Lucas 20:17 - Emberá Chamí

¹⁷ Maamina Jesusba ãchimaa ichiaped̶a jarasii: —Maka b̶uubʉrã ¿sakãe Dachi Akõre bed̶ead̶e naka b̶ʉ kub̶uma? “Chi mo chi de waubadaurãba ida b̶uped̶aad̶a, mau chi biara b̶eesii”.

Lucas 20:17 Referans Kwoze

Hechos 4:11

Dachi Akõre kartad̶e b̶ʉ kub̶uu: “Chi mo bia chi de waubadaurãba ida b̶uped̶aad̶a, mau chi biara b̶eesii”. Jesús mau mo bia kĩra nii.

Mateo 21:42

Maud̶e Jesusba ãchimaa jarasii: —Ara mau kĩra Dachi Akõreba machi audeara waabenarã ichi juad̶e ua b̶uai. Maarãburu ichiba kʉ̃ria b̶uu waud̶ai. Machiba ¿Dachi Akõre bed̶ea ed̶a jarad̶awẽa panuu kĩra? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii. Dachi Mechiuba maka waud̶ad̶eeba dachimaarã ãrea biꞌia b̶uu”.

Marcos 12:10

Machiba ¿Dachi Akõre Bed̶ea b̶ʉd̶a ed̶a jarad̶awãe panuka? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii.

Lucas 22:37

Mʉʉba jaraaruu: Dachi Akõre baita berreabariiba mʉ ʉ̃rʉbena b̶ʉd̶a biawãra makai b̶uu. Naka b̶ʉsii: “Ara mau ẽbẽra kachirua kĩra kʉ̃risia panasid̶au”. Mʉ ʉ̃rʉbena b̶ʉped̶aad̶a biawãra joma makai.

Juan 15:25

Maka panuu ãchi leyd̶e jara b̶uu kĩra. Naka jara b̶uu: “Ãchi kʉ̃riaba mʉ kĩramaabachid̶au”.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Lucas 22:61

Ara makʉd̶e Dachi Mechiuba Pedromaa akarrnaa ichiasii. Maabae Pedroba kĩrabasii Jesusba ichimaa jarad̶a: «Ara id̶i, eterr birui naed̶e bichiba b̶es õbea mʉ unukau ai».

Marcos 10:23

Maud̶e Jesusba ad̶u purra ichiaped̶a ichi baara nibabadaurãmaa jarasii: —Biawãra ãrea chaarea b̶uu ẽbẽra chi nejarra barau nii Dachi Akõre juad̶e b̶uai baita, ichid̶irã baara.

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

1 Pedro 2:6

Dachi Akõre bed̶ead̶e Jesucristo ʉ̃rʉbena naka b̶ʉ kub̶uu: «Ũrísturu, Sión puurud̶e mʉʉba de waui baitabena mo chi bibuara b̶uu b̶uuruu. Mau mo bia maud̶e mau chi nejarr ãrea id̶ibadau mʉʉba jʉrʉ adausii. Maud̶eeba chi ichid̶e ijãa b̶uuba bari ijãa b̶uabai».