Lucas 20:14 - Emberá Chamí

¹⁴ Maamina chi uva uu nub̶uu nubadaurãba chi warr unusid̶aud̶e jarasid̶au: “Jãuba chi akõreba uru b̶uu joma adaui. ¡Jãu beáduru! Makaburu chi drua dachi baita b̶eei”.

Lucas 20:14 Referans Kwoze

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Lucas 22:2

Maud̶e paare mechiurãba maud̶e Moisesba b̶ʉd̶a jaradeabadaurãba Jesús bead̶ai baita kʉ̃risia jʉrʉ panasid̶au. Maamina puurud̶ebenarã wapea panuud̶eeba maarã daad̶e waud̶ai kʉ̃riawẽa panasid̶au.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Lucas 20:5

Maud̶e ara ãchi chiya berrea bara b̶eesii: «Bajãad̶e B̶uuba bʉisii aaduubʉrã ichiba jaraaruu: “Mau ¿sakãe ijãad̶aabasma?”

Lucas 19:47

Jesusba ewaricha Dachi Akõre de mechiu dud̶a jaradea b̶uabachii. Maud̶e paare mechiurãba, Moisesba b̶ʉd̶a jaradeabadaurãba maud̶e ẽbẽrarã chi mechiurãba ichi bea kʉ̃ria panasid̶au.

Mateo 21:25

¿Juan samareeba neesma boro eamera? ¿Bajãad̶e B̶uuba mau bʉiska, maebʉrã nau iujãad̶ebenarãba? ¿Ẽbẽraba maebʉrã Bajãad̶e B̶uuba? Maud̶e ara ãchi chiya berrea bara b̶eesii: «Bajãad̶e B̶uuba bʉisii aaduubʉrã, ichiba jaraaruu: “Mau ¿sakãe ijãad̶aabasma?”

Mateo 16:7

Jesús baara nibabadaurã ãchi chiya naka berreasid̶au: —Ichiba maka jarasii dachiba pan eneed̶aabasiid̶eeba.

Mateo 21:34

Maabae chi uva waraa nub̶eeruud̶e chi chibariba chi trajabadaurã bʉikasii chi uu nub̶uu ʉ̃rʉbena ichimaa dead̶ai panuu adoed̶e wãd̶amera.

Lucas 20:13

»Maud̶eeba chi uva uu nub̶uu chibariba ara istu ab̶a berreasii: “¿Jãabae mʉʉba kãare sãaima? Mʉ warr ãrea kʉ̃ria inii bʉiruu; mau wapeadee panad̶ai b̶ubaa”.

Lucas 20:15

Maabae chi uu nub̶uud̶ebena chi warr isa ãyaa adoed̶aped̶a beasid̶au. »Machimaarã, chi uva uu nub̶uu chibariba ¿kãare sãaima jãarã ome?