Lucas 20:11 - Emberá Chamí

¹¹ Maud̶eeba chi chibari baita bari trajabarii june bʉisii. Maamina mau sid̶a sĩd̶aped̶a kachirua jarad̶aped̶a dead̶awẽa waya duabʉisid̶au.

Lucas 20:11 Referans Kwoze

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

Marcos 12:4

Mau maad̶akare chibari baita bari trajabarii june ab̶a bʉisii ichimaa dead̶ai panuu dead̶amera. Maamina mau boro kõapetasid̶au maud̶e miadaa jarakuasid̶au.

Lucas 20:10

Uva junabadau ewari neesiid̶e ichi baita bari trajabarii ab̶a bʉisii chi uva uu nub̶uud̶ebena ichimaa dead̶ai panuu adaud̶e wãmera. Maamina chi uva uu nub̶uu nu panuuba chi chibari baita bari trajabarii sĩd̶aped̶a jua ara jãka duabʉisid̶au.

Lucas 20:12

Maud̶eeba waya june bʉisii, maamina mau sid̶a ãrea sĩd̶aped̶a arabena duabʉisid̶au.