Lucas 2:9 - Emberá Chamí

⁹ Maka b̶uud̶e Dachi Mechiud̶e ángel ãchimaa unubisii. Maud̶e Dachi Akõre kĩrawãrea ted̶echoa ãchi jãkaa ãrea ʉ̃d̶aa nub̶eesii. Maud̶eeba oeja nubadaurã ãrea perasid̶au.

Lucas 2:9 Referans Kwoze

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

Apocalipsis 18:1

Mau maad̶akare mʉʉba june ab̶a ángel bajãad̶ebena ed̶aa uruu unusii. Mau chi mechiu nibasii. Ichi ted̶echoaba nau iujãa ʉ̃d̶aasii.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Hechos 5:19

Maamina ara mau ẽsabud̶e Dachi Mechiud̶e angelba chi poraa ewaped̶a ãchi awara bʉikasii. Maabae jarasii:

Juan 12:41

Isaiasba ichi kartad̶e maka b̶ʉsii Jesús chi Mechiu nii unusiid̶eeba. Maud̶e mau ʉ̃rʉbena berreasii.

Lucas 24:4

Maud̶eeba ãchiba kãare kʉ̃risiad̶ai adua basii. Maka b̶uud̶e ãchi kaita ẽbẽra ome b̶ari topanuu unusid̶au. Paru ted̶echoa jʉ̃ panasid̶au.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Hebreos 12:21

Israeld̶ebenarãba ichiamaa panuu ãrea kachirua b̶uud̶eeba Moisesba naka jarasii: «Wapeaba mʉ kakua urimaa b̶uu».

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Hechos 12:7

Maka b̶uud̶e Dachi Mechiud̶e angelba Pedromaa unubisii. Mauba chi jʉ̃abadaumare ʉ̃d̶aa nub̶eebisii. Mauba Pedro orr wauped̶a ʉ̃rʉmabisii. Maud̶e jarasii: «Isa jiraduse». Makaaruud̶e Pedro juad̶e kaena jʉ̃ b̶uu ena b̶aesid̶au.

Lucas 1:28

Mau ángel Mariamaa neeped̶a naka jarasii: —¡María! Dachi Mechiuba bichi biꞌia unu b̶uu. Ichi bichi ome b̶uu.

Mateo 1:20

Maka kʉ̃risia b̶uud̶e Dachi Mechiud̶e ángel kamokaraad̶e Josemaa neeped̶a naka jarasii: «José, rey Davidd̶ebena need̶a, María warr adaui wapearã́se, mau wẽra warr baraasiid̶eeba Dachi Akõre Jaurid̶eeba.

Lucas 2:8

Mau ẽsabud̶e oeja nubadaurãba ãchi oeja Belén kaita nu panasid̶au.