Lucas 2:7 - Emberá Chamí

⁷ Kãibadau de bari wãꞌãed̶eeba ichi warr imina adaud̶a paruba bʉraped̶a ãnimara kobadaud̶e nub̶usii.

Lucas 2:7 Referans Kwoze

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Mateo 1:25

Maamina mau wẽra ome kãi b̶eebasii chi warr imina adauruud̶aa. Chi warr adaud̶akare Joseba chi trʉ̃ Jesús b̶usii.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Lucas 10:34

Araa wãped̶a chi ẽbẽra kakua olivo draaba maud̶e uva b̶aaba puruped̶a, paruba bʉrasii. Maabae ichi mura ʉ̃rʉ kub̶uped̶a kãibadau deed̶aa adoesii. Aria mau ẽbẽra biꞌia nusii.

Lucas 2:6

Belend̶e panuud̶e María chi warr adaui ewari ba b̶uasii.

Lucas 2:8

Mau ẽsabud̶e oeja nubadaurãba ãchi oeja Belén kaita nu panasid̶au.