Lucas 19:6 - Emberá Chamí

⁶ Maabae chi Zaqueo kĩrajʉʉ ed̶aa neeped̶a Jesús ichi deemaa adoesii.

Lucas 19:6 Referans Kwoze

Lucas 5:29

Maabae Jesús baita Leviba ichi ded̶e kod̶ai baita ãrea wausii. Ãrea Romad̶ebena baita chi nejarra pebadaurã maud̶e waabena ẽbẽrarã ãchi baara ko panasid̶au.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Lucas 2:16

Ara makʉd̶e isa wãurisid̶au. Ara basid̶aud̶e María, José maud̶e chi wãwa unusid̶au. Chi wãwa ãnimara kobadaud̶e nub̶uasii.

Lucas 19:5

Maka b̶uud̶e Jesús aria neesiid̶e, ʉtaa ichiaped̶a jarasii: —Zaqueo, isa ed̶aa uche. Id̶i mʉ bichi ded̶e kãi b̶eed̶e wãaruu.

Lucas 19:7

Mau unud̶akare jomaurãba Jesús ʉ̃rʉbena naka kachirua berrea bara b̶eesii: «¡Jãu Jesús ẽbẽra kachirua waubarii ded̶e kãi b̶eed̶e wãsii!».