Lucas 18:1 - Emberá Chamí

¹ Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Lucas 18:1 Referans Kwoze

Colosenses 4:2

Ewaricha Dachi Akõremaa ʉtaa id̶i panásturu. Ʉtaa id̶iiduud̶e dau ʉb̶ʉa panásturu maud̶e ichíturu kid̶ibai ásturu.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

1 Tesalonicenses 5:17

Ida b̶ud̶ayuwãe Dachi Akõremaa ʉtaa id̶i panásturu.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Lucas 11:10

Chi ʉtaa id̶i b̶uuba uru b̶uaika. Chi jʉrʉ b̶uuba unui. Chi poraad̶e iuruumaa ewai, ne kaebea deai baita.