Lucas 17:34 - Emberá Chamí

³⁴ »Mʉʉba jaraaruu: mau ewarid̶e arab̶au kʉd̶ad̶e ome panad̶ai. Maud̶e Dachi Akõreba ab̶a adooi maamina chi ab̶abena b̶ʉi.

Lucas 17:34 Referans Kwoze

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

Mateo 24:25

Mau joma mʉʉba machimaa jarasii makai naed̶e.

Lucas 13:24

—Machi dauchia jãadua panásturu chi poraa pĩchua b̶uud̶e wãd̶ai baita. Biawãra ed̶a wãd̶ai baita ãrea duanuu maamina poyaa joma wãd̶aabai.

Marcos 13:23

Kauwa nureásturu. Joma mʉʉba machimaa jarasii makai naed̶e.

Lucas 13:5

Mʉʉba jaraaruu: makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai».

Lucas 13:3

Mʉʉba jaraaruu: Makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai.

Marcos 14:29

Maabae Pedroba jarasii: —Jomaurãba bichi b̶uidumina mʉarã b̶uiwẽe.

Lucas 17:33

Ab̶a nau iujãad̶e ara ichi biꞌia b̶uai kʉ̃risia b̶uubʉrã, mau poyaabai. Maamina ne kaebea joma bʉiruubʉrã, Dachi Akõre ome ewaricha chokae b̶uai.

Lucas 17:35

Wẽrarã ome arab̶au kũrumad̶e ne b̶amaa panad̶ai. Maud̶e ab̶a adooi maamina chi ab̶abena b̶ʉi.