Lucas 17:24 - Emberá Chamí

²⁴ Bajãa puri chebibarii ʉ̃d̶aaruud̶e joma nau iujãa ʉ̃d̶aabarii. Ara mau kĩra mʉ, chi Ẽbẽra Ba B̶uad̶a neeruud̶e jomaurãba unud̶ai.

Lucas 17:24 Referans Kwoze

Mateo 24:27

Chi Ẽbẽra Ba B̶uad̶a neeruu jomaurãba unud̶ai ʉmada neebariared̶ebena ʉmada b̶aebariid̶aa bajãa puri chebibarii unubadau kĩra.

Mateo 24:30

Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

Santiago 5:8

Ara mau kĩra joma dauchia jãadua panuud̶eeba esed̶au panásturu maud̶e sõd̶eeba ijãa panásturu, Dachi Mechiu Jesucristo kãꞌãabariwãed̶e neeid̶eeba.

1 Tesalonicenses 5:2

machiba ãrea kuitaa panuud̶eeba Dachi Mechiuba kastikai ewari maka neei nechiru ẽsabud̶e neebarii kĩra.

2 Tesalonicenses 2:8

Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 5:15

Maud̶e ʉ̃d̶aa koabarii koad̶akau cajón ekare mera nub̶ud̶ai baita. Mau kãyabãra koaduud̶e, ne kaebea ʉ̃rʉ ʉtʉ nub̶ud̶ai joma deed̶a panuurãba chi ʉ̃d̶aa unud̶amera.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.