Lucas 16:13 - Emberá Chamí

¹³ »Chi chibari baita bari trajabarii ab̶a bid̶a chi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai».

Lucas 16:13 Referans Kwoze

Mateo 6:24

»Ab̶au bid̶a poyaa ichi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai.

Lucas 14:26

«Ab̶a mʉ baara wã kʉ̃ria b̶uubʉrã, naa ãrea kʉ̃risiai b̶uu. Ichi akõre, chi nawe, chi wẽra, chi warrarã, chi ãbarã, chi neekaurã, maebʉrã ichi chokae b̶uai mʉ audeara ãrea kʉ̃ria b̶uubʉrã, mau mʉ baara poyaa nibaabai.

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.

Lucas 11:23

»Chi mʉ baara b̶uuwãe, mʉ kĩramaabʉ. Chi mʉ ome ẽbẽrarã aid̶a jʉrʉ adauwẽa b̶uuba chi jʉrʉ adaud̶a ãyaa bʉikabibarii.

Lucas 16:9

Ara mau kĩra mʉʉba machimaa jaraaruu: nau iujãad̶ebena chi nejarraba ẽbẽrarã ãrea aid̶ásturu. Maka machi kõpaerorã ãrea uru panad̶ai. Maabae machi biuduud̶e bajãad̶e biꞌia irsibid̶ai.

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Lucas 9:50

Jesusba jarasii: —Maka waurãamera jararã́sturu. Chi dachi kĩramaawẽe dachi baara b̶uu.

Lucas 16:12

Maud̶e Dachi Akõreba nau druad̶e dead̶a machiba jipa waud̶awẽebʉrã ¿ichiba machimaa chi machid̶i deai b̶uka?