Lucas 16:1 - Emberá Chamí

¹ Jesusba ichi baara nibabadaurãmaa naka nebʉrʉsii jaradeai baita: «Ẽbẽra chi nejarra barau niiba chi nejarra nubarii uru b̶uasii. Maud̶e waabenarãba ichimaa jarasid̶au chi nejarra nubariiba mau barau nii chi nejarra biꞌia nuwẽa b̶uu.

Lucas 16:1 Referans Kwoze

1 Pedro 4:10

Dachi Akõreba ichi sõbiad̶eeba dachicha ichi Jauriba waubi b̶uu deasii, waabenarã aid̶ad̶amera. Dachi Akõre baita bari trajabadaurã biawãrad̶eeba ichiba machicha deasiid̶eeba waabena aid̶ásturu.

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

Santiago 4:3

Maud̶e machiba Dachi Akõremaa ʉtaa id̶iiduud̶e ne poyaa adaud̶akau kʉ̃risia kachiruad̶eeba ʉtaa id̶ibadaud̶eeba. Machiba ʉtaa id̶ibadau, ara machiaburu kʉ̃ria panuu kĩra waud̶ai baita.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Lucas 15:30

Maamina bichi warrba bichi chi nejarra wẽrarã aud̶uabadaurã ome joma kosii. Maabae bichimaa neesiid̶eeba, bichiba ichi baita paka warr chi aude borea nii beabisii ãbua kĩrajʉʉ kod̶ai baita”.

Lucas 15:13

Kãꞌãabariwãed̶e chi kaad̶ebenaba adaud̶a joma nedobʉiped̶a kaitawẽ ãrea wãsii junebena druad̶aa. Aria ne joma kachirua wau b̶eesii chi nejarra wãꞌãeruud̶aa.

Lucas 19:20

»Maabae ab̶a june ichi baita bari trajabarii neeped̶a jarasii: “Mʉ mechiu, bichiba chi nejarra dead̶a nama b̶uu. Mʉʉba parud̶e bʉra mera uru b̶uasii.

Lucas 16:19

»Ẽbẽra chi nejarra ãrea barau nii b̶uasii. Mau paru biꞌia ãrea jʉ̃bachii maud̶e kobadau mechiu ewaricha waubachii. Mau ẽbẽra ãrea biꞌia b̶uasii.

Lucas 8:3

Cuza wẽra Juana sid̶a b̶uasii. Cuzaba Herodes ded̶ebena joma nubachii. Susana sid̶a b̶uasii. Mau awara waabena wẽrarã ãrea panasid̶au. Maarãba Jesús ne kaebea deabachid̶au aid̶ad̶ai baita.

Mateo 20:8

»Kiumaa b̶uud̶e mau chibariba chi trajabadaurã jaradea ua b̶uabariimaa jarasii: “Chi trajabadaurã joma iukuase. Joma naa chi kaad̶e neeped̶aad̶amaa paakuase maabae mau joma chi naa daped̶e trajad̶e neeped̶aad̶arãmaa paakuase”.

Lucas 16:2

Maud̶eeba chi chibariba ichi iuped̶a naka iadaasii: “Bichiba mʉ chi nejarra biꞌia nuwẽa b̶uu mʉʉba ũrisii. Bichiba waud̶a kartad̶e b̶ʉped̶a unubise, jãabae mʉ chi nejarra nubarii baabaid̶eeba”.