Lucas 15:7 - Emberá Chamí

⁷ »Ara mau kĩra mʉʉba machimaa jaraaruu: 99 jipa nuree baita bajãad̶ebenarã kĩrajʉʉbadamina, aude kĩrajʉʉbadau ẽbẽra ab̶a kachirua waubarii Dachi Akõremaa neeruud̶e.

Lucas 15:7 Referans Kwoze

Lucas 5:32

Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Lucas 15:10

Mʉʉba jaraaruu ara mau kĩra chi kachirua waubarii ab̶a Dachi Akõremaa neeruud̶e Dachi Akõre maud̶e ichi angelerã ãrea kĩrajʉʉbadau».

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Mateo 18:13

Mʉʉba biawãra jaraaruu: unuuruubʉrã, mau oeja kakua aude kĩrajʉʉ b̶uai, chi waabenarã 99 barikiad̶e wãped̶aad̶awãe audeara.

Romanos 7:9

Naed̶e mau Moisesba b̶ʉd̶a adua b̶uasiid̶e mʉ jirukaraayuwãe b̶uabachii. Maamina kuitaasiid̶e mʉʉba kachirua wau kʉ̃riasii. Maabae kachirua kakua biui b̶uasii.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Lucas 15:29

Maud̶e chi warr dawarauba chi akõremaa jarasii: “Ewaricha mʉ bichi baita ãrea trajabarii. Bichiba jaraaruu joma wau b̶uabarii. Maamina bichiba cabra warr ab̶a bid̶a mʉʉmaa deakau mʉ kõpaerorã ome kĩrajʉʉ kod̶ai baita.

Mateo 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a.

Lucas 15:8

»Wẽraba sẽetao 10 uru b̶uud̶ebena ab̶a ãi b̶aeruubʉrã, ¿ʉ̃d̶aa koabarii koaped̶a ichi de biꞌia jareeped̶a kauwa jʉrʉʉbaika chi sẽetao unuuruud̶aa?