Lucas 13:33 - Emberá Chamí

³³ Maamina id̶i, nu maud̶e nuunu od̶e nibai Jerusalend̶e neei baita. Dachi Akõre baita berreabadaurã Jerusalend̶e beabadaud̶eeba araa wãi baraai.

Lucas 13:33 Referans Kwoze

Lucas 9:53

Maamina mau puurud̶ebenarãba kuitaasid̶au Jesús Jerusalend̶aa wãaruu. Maud̶eeba ichi biꞌia irsibid̶aabasii.

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Hechos 13:27

Jerusalend̶ebenarãba maud̶e ãchi karrarãba Jesús dachi Karibabarii kuitaad̶aabasii. Dachi Akõre baita berreabadaurãba b̶ʉped̶aad̶a bari panabadau ewaricha jĩwa ed̶a jarabadamina ichi ʉ̃rʉbena b̶ʉped̶aad̶a kuitaad̶aabasii. Maumaarã Jesús beabisid̶aud̶e mau bed̶eaba jara b̶uu biawãra wausid̶au.

Mateo 20:18

“Ũrísturu, dachi Jerusalend̶aa wãaduu. Jamaria ab̶aba mʉ, chi Ẽbẽra Ba B̶uad̶a jidaubii paare mechiurãba maud̶e Moisesba b̶ʉd̶a jaradeabadaurãba jidaumera. Maarãba jarad̶ai mʉ biui b̶uu.

Juan 11:54

Maud̶eeba Jesús judiorã tãed̶e ãrea nibaka basii, maumaarã Judead̶ebena ãyaa wãsii. Efraín puurud̶e ichi baara nibabadaurã baara b̶uad̶e wãsii. Mau puuru drua sirua wãꞌãe b̶uu kaita b̶uu.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 11:9

Jesusba jarasii: —¿Ewari ab̶a 12 hora b̶uuwãeka? Ãyadaa niid̶e jʉ̃rʉ drʉkau, ichiba ʉ̃d̶aa nau iujãad̶ebena unu b̶uud̶eeba.