Lucas 13:3 - Emberá Chamí

³ Mʉʉba jaraaruu: Makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai.

Lucas 13:3 Referans Kwoze

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Lucas 13:5

Mʉʉba jaraaruu: makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai».

Mateo 12:45

Maabae 7 jai kachiruarã ichi audeara kachirua b̶ee mau ẽbẽramaa eneeped̶a chi ẽbẽra sõd̶e ed̶a panad̶e wãbadau. Maud̶eeba chi ẽbẽra chi naa b̶uad̶a audeara kachirua b̶eebarii. Ara mau kĩra chi mʉʉd̶e ijãad̶awãe panuu baita machi, chi id̶ibaebenarã kachiruarã baraa aude kachiruad̶e paneed̶ai».

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Mateo 22:7

Maud̶eeba chi rey ãrea kĩrusii. Ichi kokoroarã bʉikaped̶a mau mia beabadaurã kenad̶aped̶a ãchi puuru baa bʉisid̶au.

Lucas 13:2

Maud̶eeba Jesusba jarasii: «Mau ẽbẽrarã biꞌiwãe biuped̶aad̶ad̶eeba ¿machiba kʉ̃risia panuka maarãba aude kachirua waubachid̶aka waabenarã Galilead̶ebenarãba waubadau audeara?

Lucas 13:4

Siloed̶e de ʉtʉ deseroa b̶uad̶a ẽbẽrarã ʉ̃rʉ teawãsiid̶e 18 biusid̶au. Maka biuped̶aad̶ad̶eeba ¿machiba kʉ̃risia panuka ãchiba aude kachirua waubachid̶au waabena Jerusalend̶e duanuurãba waubadau audeara?