Lucas 13:15 - Emberá Chamí

¹⁵ Maud̶eeba Dachi Mechiuba jarasii: —¡Machi setaa ẽbẽra bia nuree abadau! ¿Bari panabadau ewarid̶e machi paka maebʉrã mura enad̶aped̶a bania dod̶e adoed̶akaka?

Lucas 13:15 Referans Kwoze

Lucas 14:5

Maabae Jesusba ãchimaa jarasii: —Bari panabadau ewarid̶e machi warr maebʉrã paka bania juibadau chob̶ead̶e b̶aeruubʉrã ¿biawãra mau ertad̶e wãd̶aabaika?

Mateo 23:28

Ara mau kĩra machi ẽbẽra daumaarã jipa nuree kĩra nuree, maamina biawãra machiba jaradeabadau waud̶akau. Maud̶e ed̶are machi ãrea sõ kachirua nuree.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 6:42

Bakuru waib̶ʉa bichi daud̶e b̶uu unuwẽebʉrã ¿sakaburu ab̶aumaa naka jaraima: “Nejarr bichi daud̶e b̶uu mʉʉba aub̶arii”? ¡Bichi setaa ẽbẽra bia nii abarii! Naa bakuru waib̶ʉa bichi daud̶e b̶uu aub̶arise. Maka poyaa unui nejarr ab̶au daud̶e b̶uu aub̶arii baita. Ara mau kĩra bichiba kachirua wau b̶uu ida b̶use. Makaburu waabenarã poyaa aid̶ai.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 15:7

¡Machi setaa ẽbẽra bia nuree abadau! Chi Dachi Akõre baita berreabarii Isaiasba machi ʉ̃rʉbena arakʉd̶e b̶ʉsii. Naka jarasii:

Mateo 7:5

¡Bichi setaa ẽbẽra bia nii abarii! Naa bakuru waib̶ʉa bichi daud̶e b̶uu aub̶arise. Maka poyaa unui nejarr ab̶au daud̶e b̶uu aub̶arii baita. Ara mau kĩra bichiba kachirua wau b̶uu ida b̶use. Makaburu waabenarã poyaa aid̶ai.

Lucas 7:13

Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.