Lucas 13:11 - Emberá Chamí

¹¹ Aria wẽra b̶uasii. Mau wẽra jai kachiruaba 18 año ba b̶uasii eb̶uatu nii. Maud̶eeba poyaa jipa akʉ nub̶eeka basii.

Lucas 13:11 Referans Kwoze

Lucas 8:2

Mau awara wẽrarã ichi baara nibabachid̶au. Chi nuree wẽrarã ẽpermo b̶ead̶a Jesusba aribiabiasii maud̶e chi nuree jai kachirua bara b̶ead̶a Jesusba chi jai duabʉisii. Ab̶a María Magdalena basii. Jesusba mau kakuad̶ebena jai kachiruarã 7 ãyaa bʉisii.

Lucas 13:16

Maka b̶uubʉrã ¿bibuara b̶uuwãeka nau wẽra, Satanasba 18 año kachiruad̶e uru b̶uad̶ad̶ebena bari panabadau ewarid̶e aribiabii? ¿Mau sid̶a Abrahamd̶ebena need̶awãeka?

Lucas 8:27

Jesús jãbad̶ebena ed̶aa wãaruud̶e mukĩra mau puurud̶ebena ichimaa neesii. Mau mukĩra jai kachirua inibasii. Ãrea ba b̶uasii mauba paru jʉ̃ka basii. Ded̶e bid̶a b̶uaka basii, maumaarã biud̶arã jau b̶ubadaumare chob̶ead̶e b̶uabachii.

Hechos 4:22

chi ẽbẽrarãba ne poyaa waud̶akauba aribiabisiid̶e, mau ẽbẽra 40 años wãyaa uru b̶uasiid̶eeba.

Lucas 8:43

Maarã tãed̶e wẽra 12 año oamia inibasii. Mau wẽraba ʉrrmid̶ia deabadaurãmaa chi nejarra joma deasii, maamina ab̶au bid̶a poyaa aribiabid̶aabasii.

Marcos 9:21

Jesusba chi mau warr akõremaa id̶isii: —¿Sakaed̶eed̶e jãka b̶uma? Chi akõreba panausii: —Kaebe niid̶eed̶e jãka b̶uu.

Hechos 3:2

Aria Dachi Akõre de mechiud̶e ed̶a wãbadau Mipitaa ãrea b̶uu abadaud̶e, ẽbẽra chi naweba adaud̶ad̶eed̶ebena jʉ̃rʉ bʉʉ nii b̶uasii. Ẽbẽrarãba ichi ewaricha araa adoebachid̶au chi nejarra id̶ikamera chi aria wãaduurãmaa.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Lucas 13:12

Jesusba mau unusiid̶e iuped̶a naka jarasii: —Wẽra, bichi aribiasii.

Lucas 21:28

Mau unuuduud̶e kĩrajʉʉ panásturu, machi karibai ewari bai uru b̶uud̶eeba».